高智商 愛情白痴

都是男人闖的禍，
電視肥皂劇裏林峰一句:「自己計錯了數!」，
就想把兩個人的愛情關係一筆勾消，
女主角楊怡哭得梨花帶雨，
不想再看見他卻又不想他真的離開，
精神陷入歇斯底里狀態，
看着她淚流滿面，
我見尤憐，
試問那個男人不痛心呢?

戲裏林峰是一個傑出的物理教授，
不但頭腦精密，
而且對複雜的問題都能抽絲剝繭，
把案件謎團一一解開，
但對人情細故、愛情關係卻知識淺薄，
不懂不曉不知跟白痴一樣，
尤如活在一個玻璃屋裏的無知小草，
明知父母是白鴿眼看不起窮人的，
卻没有想清楚便主動和女主角開始愛情關係，
還說男女相愛是因為體內"核XQ安酸"增加喎，
後來發覺自己無力量克服家族對女友嘅成見時，
就一腳踢開女主角，
還說什麼「1+1唔係2, 而係10」，
挑~~ 撇女都咁多理論?
你即係想點先?
做男人做到咁無吉士真係無叉用，
讀咁多書有乜用喎，
愛情可以用數學方程式計嘅咩?
真係被佢吹X脹呀!
人哋做女人嘅都未放棄，
還努力嘗試解決問題時，
你林峰就打哂退堂鼓，
咁樣你話個女人點會唔火滾兼死心吖?
如果做女人嘅真係遇到咁嘅男人千奇唔好唔開心，
應該慶幸自己可以及早甩身呀，
跟住哩啲咁嘅高智商嘅愛情白痴實嘔血啦，
佢哋根本唔明乜嘢係愛情，
你問佢愛唔愛你時，
佢可能會攞部計數機計一大輪先，
然後又講一大輪什麼科學精算理論，
結果就係佢都唔知自己噏乜春，
哂氣啦，
楊怡走得快好世界呀，
咪浪費時間係佢身上啦，
跟佢無好結果架，
哩個世界仲有好多好好嘅男人架!

重讀後感:
噚晚一口氣寫完，
今朝再返睇這篇"東西"，
發覺男人(我)都係滿腦子"蠢血"的，
見到個女主角楚楚可憐就咁激動，
做戲之嘛，
洗唔洗咁勞氣呀?
不過見到個女人仔喊得咁淒涼真係好心痛架，
跟住乜嘢理智都無哂啦，
你睇女人嘅眼淚嘅威力幾大，
男人見到都會同情佢!