人哋阿媽嘅說話!

媽道：今天我去了黃X仙拜神，幫你開左光既牌，保你順順利利呀~ 仔。

仔道：咁好，幾多銀呀？

媽道：三百幾元啦仔。

仔驚訝地說：嘩！幾百元咁貴.而家黃X仙改左管理人，咩都收銀，連收門口慈善個箱都沒啦，會否呃錢呀老媽？！ （覺得自己好有道理）

媽道：咁你見到而家黃X仙靚唔靚哎？

仔道：靚了很多。

媽道：咪係囉。曾經我們好窮時去黃X仙中醫都沒收錢，贈醫師藥全家平平安安啊，而家又整到好好睇睇，你理得好怎樣管理唧，最緊要做人要有本心呀仔。

媽再道: 我理得佢管理層貪唔貪婪，只要能幫佢添光，付出一點金錢，咪得囉。邊一間管理公司唔貪架~

仔想了一會：媽，妳是對的。（我太短淺了）

無論怎樣黃X仙真的幫了我們一家人.

我道:
得人恩果千年記没有錯，
但是非黑白要分明，
若然為了報恩，
盲目的替人"添光"，
那樣只會造就貪婪的風氣，
這不是對神靈的尊敬而是污衊。
我不是指某道觀一定有這種問題，
但當人們去參拜添香時，
對任何收費都不加思索照付，
這絶不是一個合理的做法，
因為這樣只會造就別人作奸犯科的機會，
造成不公平不廉潔的風氣，
必須要正視!

記我小時候家裏在馬料水租艇仔時就時常遇到貪污嘅問題，
那時警察跟有牌爛仔無乜分別，
佢哋每年每月都會黎收錢，
藍帽子收完到穿山甲，
跟住又到水警黎收，
俾完又俾，
但啲艇仔一過界(客人不可扒出去吐露港)就照拉人兼罰錢，
有時佢哋又會走上黎蛇王，
開枱麻省打半日，
十幾個人又飲汽水又食餅，
玩完拍吓蘿友就走咗去，
一毫子都唔會俾你，
你話哩啲係咪正扑街吖?
所以我最X憎啲人貪污收錢，
對於啲甘願俾錢人貪嘅就更討厭，
社會風氣咁差，
俾錢啲人都要負好大責任。
嗰時老媽一個女人帶住幾個細路都無辦法，
但係東又俾西又俾唔多掂，
於是淨係俾水警一瓣，
其餘黎問嘅就叫佢哋同水警自己攞，
結果平平安安咁過咗關，
可能佢哋唔敢蝦老媽一個女人仔啩，
怕被人話欺負孤兒寡婦!
一個社會係點樣有時都會睇吓啲人點做，
是好是壞一定要有立場，
唔可以將恩惠和是非對錯混為一談，
否則受苦嘅將會係自己!