2010年7月28日

粗口鬧人呀~~

好X離舖呀,
有無人咁賤格架?

噚日中午係地鐵站同朋友講兩句話,
順手將把遮放喺身邊條柱度,
距離都唔夠一呎半,
可能係我側身睇唔到把遮,
唔夠一分鐘再睇吓把遮就發覺無咗嘞,
有無咁快手呀?
乜啲人賤成咁架?
攞我把遮嗰條友實知把遮係我架啦,
明知有人都偷,
同賊有乜分別喎,
把遮仲係八成新架,
正扑街黎架,
哩啲咁嘅人行雷咪出街呀,
把遮擋唔到雷劈架!!

講開哩樣嘢就火滾嘞,
不少香港人真係好X自私,
尤其係落雨天就更明顯,
啲人唔理把遮又濕又多水,
週圍迫滿人都"縫"一聲彈開把遮,
搞到身邊嘅人成衫都係水,
有啲仲麻X煩,
開住把遮又係都要行入去騎樓底,
人哋無遮嘅係入便避緊雨就俾班"富貴"滴濕哂,
最賤係行到入黎都唔收遮喎,
你哋想點先?
開遮就唔好行入黎啦,
淨係你唔想濕呀?
你哋盲架?
有無睇到週圍啲人被你把遮滴到濕X哂架?
正扑街自私鬼!

其餘啲遮尖"啄"到人唔講SORRY啦,
收咗把濕淋淋嘅遮擦到人哋件衫濕哂都當睇唔到啦,
真係乜人都有呀!
都唔知點解依家啲香港人咁X自私兼賤格架,
定亦或一向都係咁衰格呢?
我以前真係唔覺咁衰架,
我哋成日話內地人無禮貎,
真係非常之唔X知醜呀,
唔好話哩啲咁自私嘅人係內地黎架,
我見到好多係香港人黎,
廣東話都唔知幾地道呀,
五十步笑百步,
笑人之前檢討吓自己先啦,
不知所謂!

唔知大家有無類似嘅勞氣事呢?
講出黎發洩吓啦!

24 則留言:

xiao zhu 說...

新鮮,你中間果一大段真係講晒啲自私鬼擔遮嘅劣行呀!第二啲我就唔敢講,關於擔遮嘅問題,我係由細到大都有見到有架,所以我都好憎果啲人架。

exile 說...

Sorry, I just have to laugh. I don't know why I think it is funny. Hope you feel better now.

Y

新鮮人 說...

小豬,
咪因為自私自利無教養囉,
哩啲人讀屎片架,
叫佢哋唔好讀啦,
讀黎都無用,
哂錢啦!

新鮮人 說...

exile,
無嘢啦,
鬧完舒服好多了!
你有無遇過類似嘅情況呀?
哈哈哈~~~

The Inner Space 說...

哈哈哈!我喺矮仔,擔埋遮都唔夠人高,下雨啲雨水都向周圍瀉開,弄濕人家,就好似小朋友們擔遮,一樣弄濕別人,真真真喺無好意思。這不是我的錯,祇怪我我生得矮。

新鮮人 說...

space,
下次唔該用雨衣吧!

高矮不是問題,
係有無心去留意會否整濕別人,
個修養問題!
^-^

Ebenezer 說...

現在又黑雨喇,如果俾人偷咗遮真係好慘!

新鮮人 說...

Ebenezer,
係啦,
天有不測之風雲,
出門口一定要睇天氣,
落雨無遮好大劑!

梁巔巔 說...

中國人之劣, 何用分南北?!

潮流興 "嬾" 持平, 又興各打五十大板~ 中國人都仍好多好好 & 外國人唔少都好衰好爛.

the inner space 說...

新鮮人:下次唔該用雨衣吧!
Space:穿雨鞻我又嫌焗,又濕又熱噃。唔鍾意做雨中怪客!

新鮮人:高矮不是問題,係有無心去留意會否整濕別人,個修養問題!
Space:噢!喺啲人喺要逼埋呢,我無心弄濕人地嘅,關人矮事?又同個人修養有乜關係?唔好亂扣帽子!

新鮮人 說...

巔兄,
老實講,
我唔知係咪香港人先至咁衰格,
定或者係個個大城市嘅人都咁自私,
不過很多人都係自顧自己不理別人,
這是鐵一般嘅事實!

各打五十大板?
我係架,
因為我係天秤座架!
哈哈哈~~~

新鮮人 說...

space,
請不要對號入座,
我指責嘅係啲明白會整濕別人都唔理,
淨係掛住自己嘅自私鬼,
落雨天係人多嘅地方唔小心整濕別人無問題,
但連講句"sorry"都唔識嘅人梗係要X啦,
我估你唔會咁無教養啩?

嘿嘿 說...

第一次看到你又气又恼又破口大骂……

哈哈哈~~~

新鮮人 說...

嘿嘿,
真係?
我一向都俾勞氣噃,
你無留意咩?
哈哈哈~~~

The Inner Space 說...

咁啲高佬高婆,自己喺要逼埋呢矮仔處,我把遮啲雨水,向周圍瀉開,至攪到佢地濕嗮,咁唔喺我嘅錯噃,做咩我要 say Sorry?又唔喺我逼埋去,我咁矮都逼埋唔到去喇!
咁邊個冇教養先?

新鮮人 說...

space,
我再強調哩篇係講個人修養問題,
同高矮無關,
高嘅矮嘅都可以自私,
你係要對號入座我都無辦法了!

imak 說...

你把遮好靚好貴架? 咁都攞.........?

the inner space 說...

新鮮兄:你一時講“修養”,一時講“教養”,所以要澄清一吓。

修養是個人的,你要罵我冇修養,我冇反對!這是你的意見。
至於教養,我阿爹阿娘,有教我和有養我,不過我生得矮小,就遺存自爹娘,無計! 若燒埋爹娘佢地個嗒,咁就要問清楚嘞!

新鮮人 說...

imak,
唔貴嘅,
不過八成新囉,
啲人順手牽羊都無辦法!

新鮮人 說...

space,
都唔知你發乜神經,
我成篇都係講啲自私嘅人,
從來都無講過關於身材嘅問題。

高又好,矮又好,
一定會有機會整到別人,
有修養嘅咪講聲sorry囉,
高嘅矮嘅都係咁做,
你咪拖埋父母落水!
同埋唔係矮嘅人先會容易整濕人,
你都可以話高嘅人把遮啲水好易滴到別人身上囉,
你做乜係都要咬住自己矮就會整濕人哩個point呢?
試吓從別人的角度睇吓!

修養又好,
教養又好,
重點係個人自唔自私,
你無心嘅咪無問題囉,
如果你繼續係度亂up一通就係無修養了!

係咁啦!

macy 說...

新鮮人

做咩咁鬼勞氣吖!? 鬧完就唔好再嬲咯.

呢啲野好似見怪不怪, 偷傘賊, 我都遇過, 俾人偷龍轉鳯, 明明係靚傘變爛傘. 真係好掹! 啲人都唔明, 下雨天係唔可以亂攞人地啲傘架, 有無睇'聊齋'架, 傘係用黎藏鬼架嘛, 隨時入鬼入屋架......

我夠生得矮, 但我好小會"啄"到人喎, 因為人多時, 我會舉高把傘行, 反而被人"啄"得多 =.=

有次係一條小行人路, 迎面有條女行正中間, 擔住把傘, 平時通常大家會即刻一人行一邊, 把傘斜斜地咁擦身而過架嘛, 佢大搖大攞咁行正中間, 一啲行埋一邊的意思都無, 我米用把傘同佢砍過咯, 睇下邊個把傘喳得穩陣吖嗱.

好怕啲人係你側邊彈開把傘, 整到我啲衫濕漉漉, 好火!
有啲人會收左傘,就係你側邊fing把傘架, 嘩! 大佬, 你真係當我透明吖!
仲有啲人上左火車, 地鐵, 已經人迫, 又唔捲好把縮骨傘, 散開咁, 除左整濕人地啲褲, 仲成程車liu住我隻小腿, 痕痕癢癢, 好x慘.
有啲人搭巴士, 會把濕傘放係座位上面.
我見過有人担住傘行埋入舖頭裡面架...

新鮮人 說...

macy,
係啦,
睇到你嘅經驗又令我想返起啲衰格人嘞,
嗰啲人真係唔洗理人咁,
有時真係火都黎埋架,
有乜辦法唔講返兩咀粗口吖,
哈哈哈~~~

The Inner Space 說...

"續係度亂噏一通,就係無修養了!" 嗄?

新鮮兄:一時講“修養”,又一時講“教養”,喺兄臺閣下噃! 小弟祇是想澄清一吓啫,咁就被指是”亂噏“,和”無修養“。
雖然這處是"你的Blog",是"你的地頭",亦不用打壓弱小。
好罷,到此為止,免傷和氣!

新鮮人 說...

space,
弱小?
咪講笑,
你把口都幾知幾厲害!
哈哈哈~~~