2010年8月2日

鬼馬豬唇!

噚日睇到篇關於荷爾蒙嘅報告,
美國嘅科學家發覺男性嘅體味對女性荷爾蒙失衡有很大幫助,
只要把男性腋下嘅體味用棉花收集,
然後適當咁混和酒精淡化,
再塗上女性嘅上唇,
發現對平衡女性荷爾蒙失衡有顯著嘅功效,
聽講有幾間藥廠打算註冊硏發添,
唔知各位女仕會唔會願意一試呢?

睇完份報告我又諗,
唔知用女性腋下嘅氣味混和酒精,
塗係男性嘅上唇又有乜作用呢?
會唔會好似啲什麼"愛情咒"咁,
嗰個男人一生一世只會愛一個女人呢?
如果真係得嘅,
相信一定其門如市,
好賣過偉哥多多聲,
以後啲老婆大人就唔洗怕自己嘅男人去滾,
更加唔怕佢出去包二、三、四....奶啦,
哈哈哈~~~
不過,
有無諗過如果嗰個二奶照板煮碗嘅會點呢?
到時個男人咪走硬佬囉,
個大婆係咪再將自己嘅體味靜靜雞塗返嘅自己老公唇上就會搞返掂呢?
你塗完,我又塗,
一層疊一層,
大婆二奶鬥塗得多塗得厚,
咁個男人咪變成"鬼馬豬唇"囉!
哈哈哈~~~

留住一個人嘅人係咪單靠體味、荷爾蒙之餘嘅嘢就得呢?
留得住得人,
留唔留得住個心呢?
男人要滾嘅真係好難搞,
什麼都可以係借口,
會留嘅都係要從心理開始,
留住個心先至最好效,
點樣留住個心?
我係男人都答唔到自己,
這又係另一門大學問,
要大家慢慢細心參詳了!

6 則留言:

嘿嘿 說...

作蠱咩?

其实,一物制一物这是早就奠定下来了的,要不怎么有祖先宝贵的“阴阳”说法,阴阳必须调和,世界才会太平!

偏偏这道理就是高明,如八卦,所谓阴中有阳,阳中有阴,江湖还不是一样!

嘿嘿嘿~~~

新鮮人 說...

嘿嘿,
陰陽之說玄之又玄,
是真是假難以辨明,
如何調和就更加理解,
神怪莫測,
古代之人往往過於沈迷其中,
變成迷信古怪,
最重要的反而是男女雙方亙相尊重理解,
這樣來得更加實在有用!

梁巔巔 說...

體味亦好攞命!

新鮮人 說...

巔兄,
當你迷戀一個人時,
就算佢放嘅屁都覺得香,
人家說乾龍個香妃其實唔係香係體臭至真,
至不過乾龍喜歡佢,
就臭妃都變香妃囉!
哈哈哈~~~

Haricot 微豆 說...

聞到香妃氣味太多,乾隆變咗乾龍 :O

新鮮人 說...

微豆,
係噃,
大懞寫錯咗添,
謝謝你指正!
=p