2010年8月4日

新伊索寓言 之 野蠻的小豬


Ans Van Dijk-Time's Up

從前有隻母豬一胎生了7隻小豬,
因為當中只有一隻係女黎,
所以母豬特別寵愛那隻小豬女,
不但對她百般呵護,
要乜有乜,
成個"小公主"(豬)咁樣,
情況已近於溺愛嘅地步,
小豬女持得母豬嘅縱容,
週不時欺負其它兄弟,
什麼事都要自己話事,
一有唔喜歡就對大巴大巴咁打人哋塊面,
就連隔離屋嘅豬仔豬女都多次俾佢咬傷,
人家豬爸豬媽黎投訴呢,
小豬女嘅豬媽因為唔想責罰自己嘅心肝寶貝,
於是就欺騙人家說自己個女有病,
仲要係好嚴重嘅口蹄症添,
人家見佢幫到出哂面囉就唔再出聲啦,
就係咁樣豬女就愈黎愈放肆,
週不時咁咬人打人,
情況愈黎愈離舖添,
有日被豬場嘅主人睇到,
認定哩隻又打人塊面又吚嘩嘈閉嘅野蠻豬女一定係有病嘞,
於是就捉咗佢去非人道毁滅了。
點解要非人道毁滅?
因為野蠻豬女唔係人囉,
仲要劣跡斑斑嘅豬頭丙一名,
唔拖佢去劏點啱數呀?
係咪!?

哩個故事教訓我哋:
唔好以為有人"睇住"就可以胡作非為,
上得山多終遇虎,
若然未報,
只係時辰未到啫,
大家放長雙眼睇啦!

無關連結:
三度襲警 三獲放生

28 則留言:

Ebenezer 說...

寓言世界總係理想,現實世界總係殘酷!

你可能諗多咗喇。

新鮮人 說...

ebenezer,
真理長存,
"豬法署"提出上訴,
應為原判太輕,
要豬女死多次呀!
哈哈哈~~~

Ruth Tam 說...

Feel so sorry to see Hong Kong's legal system has deteriorated to that extend.

嘿嘿 說...

还以为你又写小猪美媚。呵呵呵~~~

新鮮人 說...

ruth,
唉~~~~~
官官相惠!

新鮮人 說...

嘿嘿,
不是啊!
是另一隻野蠻豬女啊!

梁巔巔 說...

中港真正一體加速! Yeah!

新鮮人 說...

巔兄,
特權階級不是中國人專利,
英美意法等地都有,
英國統治時咪仲厲害﹐
邊關回歸問題呢?
你嘅"中港溶合反動情意結"令你看什麼都偏向那邊了,
請你清醒客觀點吧!

The Inner Space 說...

咁都唔使咒罵人地全家喺”豬“啫!

當事人喺唔著,但罵嗮人地全家,無需要呀!

況且要罵,就明刀明搶,好似 Ebenezer 兄 咁寫 ,又要寫乜鬼寓言,但後尾就加翻個,無關連結:“三度襲警 三獲放生”。

以上意見,純對本事件,而是不對人,恕我多口!

p.s. 今次我撐巔巔兄,舊時港英時代還港英時代,如今確是有咁嘅不良現象,舊時有唔喺直口,E+有都沒關係,無緊要,懶得理?

嘿嘿 說...

你们这样是不是港人叫“狗咬狗骨”?嘻嘻~~~

the inner space 說...

嘿嘿大哥:不能算是嘞,我地香港人叫:幫理不幫親! can 嘛?

嘿嘿 說...

呵呵~ 会不会造成“六亲不义”吗?

哈哈哈~~~(突然想到的词句,开开文字玩笑,别认真~)

嘿嘿 說...

“狗咬狗骨”、“六亲不义”都是和港友学来(听来)的。呵呵~

新鮮人 說...

Space,
寓言、比愈等寫作手法不是我創的,
這是批評的手法之一,
我完全唔覺得係問題,
一個人嘅人格如何好大程度係由家庭教育而成,
所謂養不教父之過,
豬女今時今日咁野蠻難道和家庭教育無關?
如果有關即係父母都有責任了!
我這個寓言就是用來譏諷他們,
有何不可?
你連人家的寫作手法都要批評嗎?

第二,
我想講的係"官官相惠"、"特權階級"在港英時代己有,
根本不是回歸才有的,
難道這不是事實嗎?
這和中港愈來愈一體有關係嗎?
如今的香港官員大部份都係由港英時代留下來的,
尤其是法官之輩,
他們的作風和格式根本就和從前港英時代一脈相承﹐
這樣又點可以完全分開黎講呢?
你的論點簡直係強詞奪理!

另外,
什麼叫"撐巔巔兄",
我和他又不是對駡,
只是各抒己見,
無必要任何人撐任何一方,
你咁講無疑係無事變成搞大件事,
係搞小動作之舉,
以住和你在不同問題有不同意見,
大家各抒己見實是很有意思,
如今你的表現和說話實有從中挑撥之態,
請你不要再這樣做。

新鮮人 說...

嘿嘿,

法律之前,
人人平等,
這是維持社會和諧的根本原素,
和什麼"六親不義"無關,
我不明你所議!

君子不會隔岸觀火,
更加不會從中取笑,
你都是華人,
這樣做就更加是"狗咬狗骨"了,
對嗎?

我觀迎嘿嘿兄時常來看我這些"爛文字",
但大家都是華人,
我很希望大家都是用鼓舞的態度來溝通!

the inner space 說...

新鮮兄:哈哈!寓言咪寓言囉,就任人家得到幾多寓意喇!何故又來個:無關連結:“三度襲警 三獲放生”。有失有違寓言寓意的本份,兼且甚至罵埋人地一家喺豬添!

由上面抄來的~
梁巔巔:中港真正一體加速!
新鮮人:特權階級不是中國人專利,英美意法等地都有,英國統治時咪仲厲害﹐邊關回歸問題呢?你嘅"中港溶合反動情意結"令你看什麼都偏向那邊了,請你清醒客觀點吧!
Space:舊時港英時代還港英時代,如今確是有咁嘅不良現象,舊時有唔喺直口,E+有都沒關係,無緊要,懶得理?

讀來讀去,強詞奪理,反是新鮮兄閣下噃!
我說:撐巔巔兄,是表示支持巔巔兄的說法,何來挑撥呢?反之,如今你是有挑撥、離間、和分化,巔巔兄和小弟之意吖。 唉!

末了,講多失感情,就此完結,無謂抖纏下去!仲畀 嘿嘿兄 笑我們香港人,狗咬狗骨,香港人唔識得團結,抵禦外敵!


嘿嘿兄:幫理不幫親 和 六親不認 是有不同的。前者講理,是理性的,後者有理無理都不認親,是無理性的!

嘿嘿 說...

哈哈哈~~~ 你们都错了,我不对(你写的)“事”,我只对“人”,那是(乐于研讨的)你们,我看到你们讨论得很有风趣,又不是真正在吵架,所以才想到那两句俗语!哈哈哈~~~

你们不觉得咩?开心地讨论吧!我不能加入,因为我不懂事情来龙去脉,只能旁观!呵呵~

新鮮人 說...

space,
什麼是"E+有都沒關係,無緊要,懶得理?",
如果見到有問題都唔出聲,
那些"人"就會得過且過,
所以一定要出聲!
"?"那個問號又是什麼呢?
在公義原則下,
不存在疑問的!

對,
我係連佢父母都鬧埋,
上面都講過,
子女道德行為上有問題父母都有責任,
所以我係一併照鬧的!
古云"揚名後世, 以顯父母",
相反就會辱及家門,
道理就係咁簡單!

新鮮人 說...

嘿嘿,
但願能開開心心的討論,
至於那件事的來龍去脈,
只要你看看我的連結就會知道一二了,
如想再明白些,
在網絡上會很易找到的!

梁巔巔 說...

i. 事實係, 而家嘅香港特權階級, 動搖香港最珍貴嘅法治.

ii. 係, 以前唔係冇, 但一定唔會咁明刀明槍, 咁易.

iii. 新鮮兄 & Space 兄: 大家都係網上友好.

:)

新鮮人 說...

巔兄,
今次是第二次,
不過今次佢太過份了,
連我嘅寫作方式都批評,
而且想連你都拖埋落水,
以前不同意見有不同睇法無話誰對誰錯,
大家都只是各抒己見,
今次SPACE無風起浪,
有失君子之風,
老實講,
其實以前都用過似類嘅手法,
(eg:菜販論菜價高低諷刺美國話人民幣偏低)
但係又唔見佢話有問題喎,
仲將我那篇文引述到佢嘅blog添,
今次佢咁講嘢實在太離舖了,
唔啱佢心意就胡亂批評,
根本就係"一國兩制",
今天我好失望!

The Inner Space 說...

我點知失望呀,直程喺失落添!
唉!無謂抖纏下去,一切只因我忍唔到口!

exile 說...

Shake hand!!

Shake hand!!

嘿嘿 說...

交流意见免不了会有异见,若引起争论也没关系,重要是向你们没有恶言臭骂,也是君子行为啊!

别生气啦,难得的友情,不能弃异求同,也可以求同存异啊!

好吧,再论下一回!呵呵~

新鮮人 說...

exile,
thanks! =)

新鮮人 說...

嘿嘿,
我一向本着求同存異的做法,
但若有人討論的並非個中的議題,
而是針對個人文章的寫法和方式,
但同樣的寫作方法他卻曾經同意,
這又代表什麼?
我絶對不可以接受這樣的思想,
今次,
我十分堅持,
一步都不會讓!

匿名 說...

BBF, I am at the coffee shop, earlier I have chosen not to continue the debate. But I can't wait to offer my reply, after reading what you told 嘿嘿兄。

》同樣的寫作方法他卻曾經同意,這又代表什麼? 我絶對不可以接受這樣的思想,今次,我十分堅持,一步都不會讓! 《

your given example:菜販論菜價高低諷刺美國話人民幣偏低。

Yes,you can be sarcastic and I accept that style of writing, but this time you have exceeded the line by calling them the "PIGGIE FAMILY". 有失君子之風。

and so 嘿嘿兄,it was not the truth, there is/ was a difference.

Furthermore, as I said very initially "咁都唔使咒罵人地全家喺”豬“啫!當事人喺唔著,但罵嗮人地全家,無需要呀!"

無風起浪? I am/ was very disappointed that my friend BBF who 罵嗮人地全家,無需要呀!that was totally unnecessary at all!

Humbly yours
the inner space

嘿嘿 說...

你们两位放心,没啥大碍,反正大家都是在探讨时事人生,大家继续做好博友,驳一驳,无伤大雅。

来来来,我们一起握握手!既往不咎,言和如初!