2010年10月17日

公廁一二事!

廁所是讓人"釋放"的地方,
很容易看到人生百態,
有些事情真是令人黯然,
有些卻令人啼笑皆非。

眾所周知公共廁所的廁紙質數是很差的,
紙質差劣如沙紙一樣,
拉兩拉很容易斷開,
而大部份公廁的廁紙都是廁格外,
一般要先在外面攞廁紙然後才入內方便的,
可是多數拉兩格就斷開,
要拉幾次先至成功取得足夠廁紙應用,
而且紙的尾端又難揾,
往往緊貼在整卷廁紙圈上,
當你又急又流緊汗時,
攞廁紙係一件很艱辛的苦差。
不過難是難攞,
我曾經不下一次見過有阿伯好有心機慢慢拉,
拉完一圈又一圈,
足足有半卷之多,
估計他們不是現場用的,
應該是拿回家去使用吧?
初次見到時我覺得他們很貪心,
但後來想想,
可能他們年老無依,
生活足襟見爪才有這樣做,
有頭髮邊個想做癩痢呢?

在廁所裏你會發覺人是很自私的,
不要說那些蹲在廁所板上大便的人,
最令人恐懼的是那些大解完不洗手的人,
當你看着他直接從廁格裏昂然走向廁所大門,
然後那隻完全没有洗過的手把門柄拉開時,
你會想着千萬不可以讓自己的雙手接觸到它,
所以我多數會用紙巾隔着把柄才開門的!
記得有一次很恐佈的經驗,
就是解決完正要把廁格門拉開時,
忽然發覺廁所格的門柄是濕濕的,
一般人都是洗解決後洗手的,
為何那廁所門柄會濕的呢?
難道剛才去過這個廁格的人在小解時把手弄濕了,
想到這裏我立刻全身雞皮疙瘩,
即刻用皂液把雙手洗了又洗!

男人去廁所另一個時常給女人指責的是"對唔準",
尤其是結婚的男人,
經常會給老婆駡他小便"痾到週圍都係",
這個問題亦曾經"影響"到我。
有次在公廁大解,
隔離有人好大力咁"撞開"佢度門,
然後好快就聽到水聲了,
唔知係咪佢好急還是唔識對準嘞,
佢一痾就痾咗落佢嗰邊地下,
啲尿水仲彈到我鞋面,
嘩~~激到我火都黎呀,
本想立刻爆粗問候佢,
但心諗鬧佢事小,
容乜易佢"痾"多兩嘢俾我對鞋嘆架,
而且自己正在解決中,
走不開無仇報,
最後只好忍氣把腳盡量移開,
然後心裏咒駡佢一世腎虧痾唔出!

雖然有些人不會用公廁,
但人有三急時都要幫襯,
千奇百怪,
多不勝數。
今次講住咁多先,
下次再和大家笑笑說吧!

22 則留言:

xiao zhu 說...

>>咒駡佢一世腎虧痾唔出!

嘩,睇唔出你都幾毒固喎!

匿名 說...

昂坪360外面,在行去寶蓮寺途中的公廁好些,去過一次咁大把!

中環 IFC 商場的公廁,文華酒店的公廁,四季酒店的公廁,都是不收費的。差一些如太古城的公廁,康怡康山商場的公廁。

APM 的公廁還尚算OK,為何兄台要去使用政府核下的公廁方便呢?


Space

新鮮人 說...

小豬,
都唔係好毒啫,
都無叫佢去死,
你想想當你的鞋給隔壁的人的尿彈濕時,
心裏會不會咒罵佢呢?

新鮮人 說...

space,
你知道什麼是"刻舟求劍"吧?

Ebenezer 說...

想見更多公厠核突野,最好上大陸見識見識
一_一

匿名 說...

中環 IFC 商場的公廁,文華酒店的公廁,四季酒店的公廁,都是不收費的。

《在中環上班,真喺去 IFC,mandarin,four season 仲就腳啲噃,中環啲政府公廁,最近都要去到舊中環街市,仲要行遠啲添!》

差一些如太古城的公廁,康怡康山商場的公廁。

《收工就回家,家在東區,若有需要方便,最近是返屋企,若不是就是去太古城,康怡康山商場,吉之島內的公廁也OK,個頭無政府公廁噃!》

咁我又點算“刻舟求劍”呢?

嗜悲

xiao zhu 說...

>>你想想當你的鞋給隔壁的人的尿彈濕時,心裏會不會咒罵佢呢?

哈哈,我肯定都會媽媽聲去罵,但係唔會咒囉。講真,印象中好似唔係點識咒人。

DeepC 說...

eeeeee, 又係這D嘢! 在外無得好講啦, 真係咩人都有, 但我今天在office都見到兩單, 返工在公司地方, 都叫在自己地方嘛, 佢地(某一小部份人)都唔識保持清楚, 真係學歷唔可以代表一切.

匿名 說...

兩位阿哥阿姐:
>>>你想想當你的鞋給隔壁的人的尿彈濕時,心裏會不會咒罵佢呢?
<<<哈哈,我肯定都會媽媽聲去罵,但係唔會咒囉。講真,印象中好似唔係點識咒人。

新鮮兄去男廁,尚有機會給隔壁的尿彈射到,但小朱姐去女廁,給隔壁的尿彈射到,這個難度很高噃!!!!

在甚麽情況下,女廁會有機會啲尿濺到過隔離呢?


不明人 嗜悲

新鮮人 說...

ebenezer,
人地嘅我都見識過,
因為落後,
很多都好簡陋,
也有些人不講衛生,
所以係幾難頂架!

噢~~
腦海裏又出現從前係內地見過嘅境像添,
想嘔~~~~

新鮮人 說...

space,
你說的地方,
對於你是没有問題,
因為那些大酒店就近你的行程,
但我很少去香港島那邊,
人生三急時邊有酒店可以去呢?
我直接講個例子吧,
當我在協和街圖書館看書時,
人有三急便要去他們八樓的公廁,
所以就會見到我說的情況了,
其實圖書館下來街市也有兩個公廁,
但又濕又污糟我唔會去,
圖書館八樓上面嗰間算係好一點了,
至少定時有人清潔,
其實廁所污糟主要是去的人自私,
就是係酒店廁所一樣有人蹲係廁板大解,
有時清潔阿叔抺唔切,
一樣係好恐佈的!

新鮮人 說...

小豬,
當火從中來時乜都唔會理了,
又唔敢爆粗鬥佢,
條友隨時痾多兩嘢過黎呀,
唯有咒佢囉,
我好毒架!
哈哈哈~~~~

新鮮人 說...

deepc,
係自己公司都咁真係幾衰格,
話哂自己都有機會用返同一個廁所架,
哩啲人讀多書都無用架,
粗俗啲講就係"讀屎片",
依家讀書求分數、求揾錢出路,
邊度有人學道德修養呢?
所以書讀得多和個人品格已毫無關連了!

新鮮人 說...

space,
小豬有講過佢見過有人痾尿痾過隔離咩?
除非個女人蹲係廁所板上去囉,
痾唔正咪可能會彈到隔離囉!

The Inner Space 說...

唔知噃!
不過喺佢話:
>>>你想想當你的鞋給隔壁的人的尿彈濕時,心裏會不會咒罵佢呢?
<<<哈哈,我肯定都會媽媽聲去罵,但係唔會咒囉。講真,印象中好似唔係點識咒人。

《肯定都會媽媽聲去罵!》
所以我咪喺問,有冇機會發生囉?

唔好靠估嚕,等佢答喇!

不明人 嗜悲

新鮮人 說...

space,
你是個佷多問題嘅"問題中年"!

xiao zhu 說...

space:

大家講同一個話題、處境都可以有唔同嘅著眼點;今次似乎你提出嘅同我講嘅重點係唔同。不過,我冇打算討論落去,反正我回應俾新鮮嘅,新鮮明我意思就得嘞。

macy 說...

新鮮人

講起公廁, 寫幾篇都寫唔完.

Ebenezer 講起大陸公廁, 我由細到大常到大陸, 真係見識唔少, 諗到都想嘔.
有外國遊客話, "要找大陸的公廁, 不用問, 只需聞(嗅)!"

係女廁其實比男廁多一樣恐怖的東西(每月都有的東西吖)...有手尾的人會用包裝紙包好放入垃圾桶仔, 但有啲人就周掉...好嘔心!

不洗手開門的門把, 濕漉漉的廁格手抦, 地下濕漉漉, 廁板有腳印...都令人很不安. 每次開門, 都好似入鬼屋咁緊張!

新鮮人 說...

小豬,
謝謝你的回覆,
我明白了!

哈哈哈哈~~~

新鮮人 說...

macy,
原來女廁比男廁仲厲害呀!!
好恐怖呀~~~~

嘔~~~~~
=_______="

匿名 說...

哦!咁嘅“答案”。。。。。就更加耐人尋味嘞,令到讀者們,有很多想像的空間!

Curiosity killed the CAT!


嗜悲

新鮮人 說...

space,
都話你係"問題中年"啦,
係咪!?