2010年11月1日

顛沛流離的日子!

這兩天我被迫過着顛沛流離的日子,
四處尋找可以讓我沖熱水涼的地方。
今天我開始了"腌鹹魚"的第一天,
相信還要腌多兩天才可以甩難。

星期六煤氣公司的職員說我家的熱水爐少量漏氣,
即時把我的爐封閉了,
不可以開爐,
就算開都無煤氣,
結果當天晚上没有熱水沖涼,
在寒冷的天氣下"腌"了一夜。
星期日朝早到街市市政大廈的運動場沖了一個熱水涼,
全身舒服了,
算是過了一關。
今朝晨早七點再去,
結果只有凍冰冰的凍水,
冷得我全牙關打震,
熱水要八點後才有,
只好勉為其難的淋了一會就抹身走人。
今天得知最快也要到星期三才可以裝新熱水爐,
也就是說這兩天朝早,
我還是要"腌"着去工作,
不知人家會不會發覺我身上有異味呢?
如果真係太"大味",
唯有晚上到運動場再沖一次,
朝早在家裏用熱水抹身,
真係命苦了,
若果在夏天壞爐就没事了,
反正天氣熱沖凍水也没問題,
但在秋風颯颯的季節裏,
叫我如何是好呢?
如今只好過着顛沛流離、四處沖涼的日子了!

16 則留言:

悟樂 說...

默哀~~~

Ebenezer 說...
此留言已被作者移除。
Ebenezer 說...

節哀順變:(

新鮮人 說...

悟覺,
多謝哂喎! =______=!!

新鮮人 說...

ebenezer,
唔洗咁講喎,
我未死得架!

哈哈哈~~

說...

真陰功~

新鮮人 說...

翔,
冷得我騰騰震~~~
震到入呀~~~ 心呀~~~呀~~~
可憐到極啊~~~

xiao zhu 說...

你咪咁大喊十啦,講到顛沛流離咁誇張!

新鮮人 說...

小豬,
唔係點可逗到你留言呢?
哈哈哈~~

xiao zhu 說...

車,廢話!

新鮮人 說...

小豬,
哈哈哈~~~

DeepC 說...

用水煲煲二兩大煲滾水就可以洗白白啦.

新鮮人 說...

deepc,
無水煲,
家裏無浴缸!
點搞?

舞了 說...

喂, 新鮮人, 有嘢睇呀, 過來睇睇. 手快者有, 手慢者沒有.

Haricot 微豆 說...

新鮮人 sounds so much better than 新腌人 :O

Good luck la !!!

新鮮人 說...

微豆,
謝謝你的幽默啊!
哈哈哈~~~