蝨乸的安樂窩!

蝨乸先生一家搬進了這家已經有一年了，
他們過着非常安逸愉快的生活，
無他的，
因為這家的主人十分懶惰，
一年也不會清洗床舖、地毯一次，
別人到他家裏作客，
他又會"聰明"的把當眼的地方求求其其抹一抹，
但看不到的地方則污糟依然，
就是這樣，
蝨乸先生一家都很放心的居住下來，
而且不斷生育，
現在兒女成群，
屋裏各處都是他的仔仔女女了。

「哎吔~ 乜嘢咬我隻腳呀? 好痛呀!」
「有咩? 有嘢咬你咩?」
「豬仔，好心你抹吓間屋啦，啲塵成吋厚喇!」
「豬媽，邊有咁誇張呀?」
「仲話唔係，一入黎就嗅到一陣味喇。」
「無呀! 邊度有喎!」
「哎呀~~ 你睇吓梳化上面一粒粒啲係乜嘢黎!」
「睇過，哦~係啲沙粒黎之嘛，用手一抹就無架啦。」
「唔係呀!會郁架!你睇真啲，作死囉，係蝨乸黎架。」
「係咪真呀? 邊有咁誇張呀?」
「仲話唔係，你搞到週屋都係蝨乸喇，快啲清潔吓間屋啦!」
「唓~~ 好少事之嘛，又唔係淨係我有，間間屋唔多唔少都有啲架喇。」
「吖~~ 你咁講嘢都得嘅，人哋有你又要有呀?」
「係吖嘛，隔離黃師奶都話有啦，樓下張先生仲多呀，我有好出奇咩?」
「依家鬥多呀? 有蝨乸威啲架?」
「唔係咁講，不過話你知唔係淨係我屋企有啫，人人都有咁解囉!」
「人哋有你就要有架? 人哋去死又唔見你去死?」
「唓~~ 你理得我吖! 費事理你呀!」
「阿仔~~ 阿仔~~ 我未講完架，你咪就咁走咗去呀!」

聽完這番爭論以後，
蝨乸先生決定叫哂佢啲親朋戚友黎哂哩間屋住，
因為佢知道無乜嘢地方安全過這裏了，
豬仔明知佢哋係度都唔理，
仲懶三懶四，
又諸多藉口，
簡直係天大嘅喜訊，
這裏仲唔係蝨乸的安樂窩?

魯迅:
「凡中國所有的，外國也都有。外國人說中國多臭蟲，但西洋也有臭蟲。」