今日長者免費搭巴士、港鐵,
新鮮媽去到邊度都話:
「你睇吓幾多"老友記"?」
我環顧四週又唔係好覺好多老人家,
「係咩? 好多咩?」
「梗係,搭車唔洗錢喎,啲老人家仲唔走哂出黎!」
「都係慳返幾蚊啫,唔係咁大件事啫。」
「乜嘢唔大件事呀? 幾蚊唔係錢咩? 老人家無收入、幾蚊好多架!」
「咁唔通無免費就唔出街咩?」
「係架,去近唔去遠囉,費事哂錢嘛。」
「都要啲老人家有人陪先有意思噃!」
「梗係啦,戇居居自己一條老嘢去邊都無用啦。」
「其實要陪自己親人嘅都唔一定要揀今日嘅!」
「有個藉口囉,老人家免費搭車咪可以叫啲仔女陪佢行吓街囉。」
「咁都係,不過有幾多子女知道今日有優惠呢?」
「實有嘅,至怕知道當唔知,講埋俾佢聽都當聽唔到啫!」
「唉~~ 咁樣都得嘅?」
「都無辦法架,唔通攞枝鎗指住佢哋個頭咩?」
「可能啲後生要揾食嘛。」
「一年到晚都抽唔到時間咩?」
「算吧啦~~ 咪咁勞氣,行吓街開心吓啦!」
「有人陪梗開心啦!」
完。
16 則留言:
點解今日長者搭車免費嘅?乜野大日子呀?
今天6pm後看報紙先知今天是長者日.
11pm+ 看完這篇post先知有優惠.
同意陪家人不用擇日, 但優惠最好最D知囉~ :)
ebenezer,
今天是長者日,
公共交通機構就有優惠俾啲長者,
叫做敬老咁囉!
deepc,
政府嘅宣傳真係唔夠,
起嘛唔覺有電視廣告講過大家知,
唔係好多年青人知道今日係長者日,
更少人知道老人家今日可以免費搭車,
如果多啲人知就更有意思了!
你真係好乖仔呀!
小豬,
只是做返本份,
根本唔係乜嘢乖啦!
As I always say, it's with whom that's important.
新鮮人
你真乖! 好多人都寧願陪女朋友,陪仔女,陪朋友/厘係屋企, 都唔會陪父母.
長者去海洋公園好似免費噃!
新鮮:
本份!好一個本份!今時今日同啲後生仔講本份,情況就好似有common sense係一啲都唔common一樣!
ruth,
對!
和什麼人最重要,
老媽子很錫我的,
所以我更加錫她!
macy,
只要懂得分配時間,
應該可以兼顧到的。
每年十月,
我都會和老媽到海洋公園一次,
因為十月份我生日,
生日那天我都是免費的,
慳返很多啊!
嘻嘻~~
小豬,
社會觀念不斷在變,
別人怎樣做我們很難說了,
做好自己本份就是!
^-^
新鮮人
你真是好孝順,有你這個乖仔你媽媽好幸福啊!!!
我沒你這麼乖,我常常激我阿媽的...
ivy,
我都成日激佢架,
不過又會氹返佢囉,
一啖沙糖一啖X咁樣囉! =P
>>... 「有人陪梗開心啦!」
新鮮媽是表露了很多母親的心聲 !!!
She is so lucky :)
微豆,
只要我們願意,
每個母親都可以的!
發佈留言