2010年12月12日

這是什麼話?

晨早在一間坐滿了人的快餐店裏,
一名衣著普通到不得了的華人男子正四處張望,
他大約三十出頭左右,
外形渾圓漸趨發脹,
帶着一個三歲小男孩在找位置,
看來滿臉不耐煩的樣子,
當他終於在人群中找到空位坐下時,
就立刻大大聲的向着對面不相識的人說:
「舊區黎架嘛,啲人係自私啲架, 我哋外國長大架!」
我聽到後立刻連手上的刀叉也掉了下來,
看見別人自私霸佔坐位不讓人家坐就要說這些話嗎?
他到底想表逹些什麼呢?
他想說他是住半山豪宅的有錢人,
所以不習慣來這些舊區和"平民"一起進餐嗎?
還是想說他在外國生活慣了,
和他一起的都是紅鬚綠眼,
因此他養成高人一等的"品格",
我們這些"平民"不配和他一起坐呢?

看着他這個"人",
我立刻感到很飽,
飽到連昨夜的飯也想吐出來,
非常多謝這個"人",
如果每天都遇到他,
年終一定會節省很多米飯錢,
真係唔該哂佢。

25 則留言:

翔記雜貨店 說...

我想如果見到他的長相的話也能減肥

Himphen 說...

全港有20%多的人有不同程度的精神病,我們跟本不能理解這些人的想法,也不必太反感,反正他們好歹都是有病的。

新鮮人 說...

翔記,
這人的長相普通,
看到不會有什麼問題,
但說話卻很令人倒胃!

新鮮人 說...

v2,
看來這個人的"病"很重,
醫好的機會很微,
快快拖出去斬了算!

macy 說...

新鮮人

咁米叫佢返"外國"度食飯咯.

樂遊 說...

我最想知佢點解這麼折墮要屈駕到舊區食早餐?文華CUT了早餐嗎?四季有人食物中毒嗎?半島的藍山咖啡有尿味嗎?
外國來嗎?應是來自共產主義天堂北韓吧?為人自私是萬惡的資本主義的特質。而舊區的人當然特別自私,何解?因為舊區受資本主義塗荼毒較「新區」耐,當然較自私啦!
不如請旅發局勸這位人兄回其共產天堂祖國,獻身祖國,當核武威力親身體驗員,這既能讓他報效祖國,又可讓複射清洗在他身上的資本主義遺毒,一舉兩得。我國與北韓有着用血肉築起的友誼,不會老點他的。

新鮮人 說...

macy,
係返外國食"意粉",
食飯唔夠high嘛,
哈哈哈~~

新鮮人 說...

樂遊,
這個媚外的走資派黑五類,
黃皮白心兼有通番賣國冖嫌,
回去報國的資格恐防都没有,
還是拖去秦城監獄堆田區做人糞肥料好啲,
咪沾污我們偉大神聖祖國嘅土地好噃!

Unknown 說...

真正有涵養的人是不會說出這樣的話,那些在外國住了好幾年便自以為是的人,不值一氣。要是有錢人,又怕人迫,怕人無禮貌,為何不去貴啲餐廳食早餐?

Unknown 說...

還有甚麼是舊區那裡是新區?香港就是香港,有分新舊的嗎?連基本知識都無。

The Inner Space 說...

新鮮兄厚道稱之:華人男子.

space

Haricot 微豆 說...

新鮮人:

>> .... 我哋外國長大架!

我識得好多係外國長大嘅朋友,佢地都唔会有「我幾威威,高人一等」咁嘅態度。

我想叫佢做「海龜」,但又怕侮辱咗D真嘅龜!!

不如跟阿魯迅學習,叫嚟類人做「假洋鬼子」囉!!

新鮮人 說...

軍靚媽,
我做他指的"新區"就是中環、半山、蘇豪那些消費較高的地方啩,
有些人以為有錢是高人一等的,
這些人見到得啖笑,
自己失禮自己。

新鮮人 說...

SPACE,
他真是華人來的,
不是外籍人仕喎!

新鮮人 說...

微豆,
外國長大的他能操一口流利的廣東話,
而且字字珠璣、咬音純正過我這個土生土長嘅香港仔,
我感到好愧疚、好無用囉,
真失禮,
唔知佢識唔識講英文嘅呢?
哈哈~~~

DeepC 說...

唔好大教壞細, 希望那個跟他的小朋友冇學壞就好了.

新鮮人 說...

deepc,
唉~~
真係好難講,
小朋友係咁嘅家長教導下長大,
無影響都幾難了。

Ruth Tam 說...

There are all types of people around.

新鮮人 說...

RUTH,
只係估唔到今時今日仲有人咁諗嘢,
非常之可笑!

嘿嘿 說...

舌灵嘴厉……

新鮮人 說...

嘿嘿,
但思想幼稚啊!

The Inner Space 說...

{他真是華人來的,不是外籍人仕喎! }
若是我寫會稱之"貌似人形從外國返來的唐狗".

新鮮人 說...

space,
厲害! 厲害!
都係你嘅口才辣啲!

Ebenezer 說...

佢當時唔係正在話你呀嘛?

新鮮人 說...

ebenezer,
唔係卦,
不過係話緊啲住係舊區長大嘅香港人囉,
都包括我架,
有機會同佢哩啲"上等人"一起進餐,
真係好榮幸呀~
哈哈哈~~~