2011年黎啦~
首先同各路英雄好漢打個招呼先,
祝各位善男信女、潮男潮女、阿公阿婆、B仔B女身體健康,
加埋萬事勝意、財運亨通、一本萬利、兒孫滿堂、滿堂吉慶、橫財就手......
總之乜嘢好事都齊齊來啦!
中國人最喜歡聽吉祥說話,
唔理有無效,
講咗先至算,
人人大時大節就一定滿嘴好話,
老人家話以前上幾輩好緊張哩樣嘢,
如果過年過節講錯說話隨時被人掌嘴,
再唔係就罰跪祖先、無飯食,
仲要"Lur"口水講過添,
你話中國人係咪好鬼迷信吖?
好彩我嘅屋企人唔信哩套喳,
如果唔係我哩個成日開口扱着脷嘅就大劑囉,
實行要晚晚跪祖先,
夜夜無飯食呀!
話時話,
我屋企都無祖先靈位哩家嘢嘅,
講錯說話都無得跪啦。
其實新鮮媽都唔信哩套,
學佢話齋:「我夠話我中六合彩咯,又唔見我會中?」,
咁又係喎,
講吓就係咪好易發,
不過人人都喜歡聽好說話咪跟住講囉,
無謂反潮流而行啦,
祝各位:
新年新氣象,
來年好旺相。
哈哈哈哈~~
14 則留言:
哈哈,未有咁快到農曆新年呀^_^
過多一個月就農曆新年喇,都好快趣!
ebenezer,
新曆新年一樣啦,
好聽嘅說話幾時都講得嘛,
新年快樂,
多子多福呀! ^-^
小豬,
係囉,
愈黎愈快咁,
過多幾年容乜易合二為一架??
合皮扭耳!
Space
space,
伸連俊部!
哈哈哈~~
Happy New Year!
新年行好運! ^^
我都覺得今年新年似農曆拜年咁。。。
出入平安,龍馬精神,一年好過一年(夠哂行)
新鮮人
Yummy New Year!
新年快樂, 有口福, 有食神!
農曆新年會唔會有新既賀詞? 哈...
合皮扭耳!!
deepc,
好好好!
大家都行好運! ^-^
naruto,
如果唔用埋舊曆新年嘅賀詞,
淨係講新年快樂仲"行"呀?
你有乜好提意呢? =)
macy,
新年真係多啲嘢食,
農曆新年仲多,
食到肚滿腸肥,
好易飽到上心口,
噢~~~
@__@
大力,
咁要諗吓喎,
你有乜好提意吖?
哈哈哈~~
發佈留言