2011年1月29日

我要做富家公子?

每隔半年一載總會有富貴人家爭產的花邊新聞發生,
我們這些貧窮星斗小市民當然不會明白固中內情,
其實人家爭產關我們屁事咩?
是的,
就是關我們的屁事,
無聊時人可能會放屁輕鬆吓。
無聊時人會買本八卦週刋豬事八卦一番,
又或者茶餘飯後和家人同事對事件交流交流,
各自猜猜誰人的手段最辛辣,
又或者開盤賭賭誰是最後大贏家,
來為自己平淡無味的生活加點調味劑,
至少也讓我多寫了這篇無聊放屁的文字。

其實要富豪後人不爭產尤如叫大集團不把錢賺盡一樣,
是絶無可能的。
金錢富貴有誰不想要?
而且金錢往往和社會地位掛勾,
對於一些含住金鎖匙出世食慣著慣的人來說,
要他把生活水準降低簡直是一種折磨,
而且也會令他們在上流社會的地位下降,
更甚者會被別人棄之於富豪階層門外,
從而慘痛的落入星斗凡間,
那是多麼的令人萬分恐懼,
簡直會夜半驚醒、徹夜難眠。

也許人們會說富貴人家爭產是何等的醜陋,
是的,
豪門爭產從來都是爾虞我詐,
誰人心狠手辣誰人就會成功,
親屬亙相爭奪是可悲的,
尚幸我等不是有錢人家,
没有多餘的金錢讓我們爭奪。
不過有時我也會無聊幻想吓,
假如我是生長在一個豪門家族中,
我又會是一個怎樣的人呢?
會不會日日瞓到黃朝百晏,
夜夜去蒲去溝港姐明星仔呢?
和兄弟姊妹的關係又會如何呢?
會不會面如慈佛、口含毒針呢?
那種生活會不會像電視劇裏的差不多呢?
又或者比戲裏的更恐佈更陰險呢?
定還是父慈子孝、兄友弟恭呢?
相信這種可能比較低了。
其實我都想試吓做有錢人,
仲要係世家大族好有錢好有面那種,
因為我真的未試過啊~
可能連前幾世都未試過架!

哈哈哈~~~~

10 則留言:

naruto 說...

我想話唔係剩係豪門至會爭產,我叫見過我阿叔點樣“where"爛面爭啦,但真係爭條細數,肉酸

新鮮人 說...

naruto,
噢~~~
無眼睇!

the inner space 說...

新鮮兄:好似有兩句:
“人爭一口氣,佛爭一爐香。”

最好就是家徒四壁“負資產”,咁就唔使爭著還債呱!

新鮮人 說...

SPACE,
也許他們為"口氣",
也為了"錢"吧,
不過同門同宗相爭,
很失禮,很悲。

有錢會爭,
無錢又會爭第樣,
中國人最喜歡內鬥的,
你熟讀中國歷史,
必定很清楚了。

匿名 說...

新鮮兄今早讀報,流傳有人要爭“司徒華的政治遺產”。


Space

新鮮人 說...

space,
無睇新聞紙好耐,
唔想理會哩啲嘢,
不用告訴我,
無乜興趣,
費事煩了。

the inner space 說...

哦!無睇新聞紙好耐,咁你提起富貴人家爭產的花邊新聞,一定是從網上睇到的吧!

我見兄台寫篇長文“贈慶”,咪講開又講埋一份囉!我都是跟跟風湊湊兄台熱鬧啫!

我喺自己處,提都無講啲“富豪爭產”呀!

Ruth Tam 說...

For whatever amount, there are family members fighting for it, if they choose to. I've seen some cases first hand. Saw the dark side of human nature.

新鮮人 說...

space,
我只是行過OK門口見到啲八卦週刋封面才知道何生一定爭來爭去,
無睇過內文,
上網亦無睇過有關新聞,
詳情唔多清楚,
淨係知到有件咁嘅事喳,
所以隨心就寫咗啲感受,
我想做吓有錢公子哥兒嘛.
哈哈哈~~

華叔啲新聞就更加無睇,
完全唔知發生咗乜嘢事,
人都死咗了,
人死如燈滅,
算了。

新鮮人 說...

RUTH,
我想信你親身見過不少,
錢有時真係會令人變得很醜陋吧!