2011年7月5日

"扒"艇仔!



這張相是我湊巧在書店發現的,
應該是人家在上世紀六十年代時所拍,
地點是舊日沙田近禾輋邨和馬場一帶,
那時沙田馬場一帶還沒有填海,
汪洋一片。
相片右上角的是馬鞍山,
左上角則是舊沙田華舫,
是一艘真正可以在城門河上游動的海上食肆,
不是如今那艘石屎扮作船的可以比。

這張相主角當時是中間那位划艇的大哥,
他划的就是後來我家在馬料水所出租的艇仔了,
由艇身到船槳全是木製的,
絕對不是玻璃纖維,
所艇身重很多。
相片中那位大哥一拖五非常有型,
小時候我都試過,
最高記錄係一帶十,
不過划到手仔軟先至會向前郁,
如果遇着大風大浪,
真係極之辛苦,
企哂起身出盡力先至划得郁,
加上日曬雨淋,
有苦自知,
現在回想都一番滋味在心頭,
難怪老媽子都話咁大個人,
係馬料水時真係最辛苦最攞命,
如果淨係住就無得頂,
背山面海景又靚,
海風撲面空氣好,
相對於如今樓望樓,
四週空氣污濁嘅居住環境,
那時真的是人間天堂,
不過針無兩頭利,
世事無完美,
時代進步,
星移物轉,
往日的苦與樂就只有長留心裏吧!

16 則留言:

naruto 說...

人到左某個年紀呢,就鍾意間中懷一個舊架啦,我呢排都懷左幾舊啦

新鮮人 說...

Naruto,
係啦,
你又玩懷舊?
唔通你仲大過我??

naruto 說...

我一路都覺得我大過你喎

新鮮人 說...

naruto,
係呀! 係呀!
你大過我架,
我都想!

Haricot 微豆 說...

我替維他奶和百事做汽水車的時候,也曾在荔園划如图示的木艇仔出海「送水」,浪大丶貨重丶人輕,差點翻船浸死,現回想,那些血汗錢真不容易賺!!!

新鮮人 說...

微豆,
往往點點縱然是苦,
今天也可堪回味,
感受良多吧?

嘿嘿 說...

哪,小时候,你肯定是裸泳高手啰!哈哈哈~

山山 說...

係「划」呀~

新鮮人 說...

嘿嘿,
無裸泳呀,
著短褲游!

新鮮人 說...

山山,
執筆忘字,
謝謝指教!

Ebenezer 說...

圖中位靚仔就係你?

新鮮人 說...

Ebenezer ,
唔係呀,
只係剛係書局本新書入便找到哩張相。

五珍 說...

很難想像你是怎樣一拖十的,我讀書時划過一次,只划一邊,也覺不夠力,佩服﹗

新鮮人 說...

五珍,
熟能生巧,
當你在那環境長大,
每天都要這樣做時,
就會掌握到力度和節湊的運動,
效果自然事半勁倍了。

L L 說...

珍貴的照片,叫人回味,我是沙田人,城門河載滿了我的回憶!

新鮮人 說...

laulong,

你是沙田人嗎?
仲以為你係元朗圍村人添!