2011年11月28日

豬狼對決!



本來唔想講政治,
因為好悶又好煩,
不過有時又幾搞笑,
早前見某週刋個封面標題很"煞",
名為"豬狼對決",
看見就笑了出來,
形容得太貼切了。
昨晚吃飯時看電視新聞,
有記者竟然大膽問唐唐是否"豬",
笑得我飯也噴滿一枱,
如今的記者真是很直接,
這樣搞笑的問題也敢問!
唐唐說他屬龍不屬豬,
仲揾埋周星星撐場,
周生話自己唔同蠢人做朋友喎,
咁即係話人家無當你係朋友囉,
只是俾面派對喳!
龍生九子,
各有特色,
龍也有很笨的,
只是自己不知不認而已!

另一邊廂,
英英也不認為自己是狼,
他說熟識他的人都不同意這說法,
還說港人不要蠢特首,
言下之意即係話對手蠢到唔係自己手腳啦,
表面睇,
英英真係醒過過唐豬好多,
講嘢有紋有路,
唔會口窒窒兼亂咁豬噏,
唔理真心定假意,
邊個有腦邊個豬腦真係好易分,
不過會唔會有人扮豬食豺狼呢?
睇黎都唔似嘞,
睇返隻含住金鎖匙出世嘅豬嘜咁多年嘅往積,
就知佢真係豬過豬頭丙,
不過佢勝在無腦無咁大殺傷力,
佢做就安心過豺狼做,
最多乜都做唔到咁囉,
兩隻動物真係各有千秋,
好難搞呀,
令人哭笑不得!

究竟結果會是豬還狼勝出呢?
還看後來各出什麼奇招了!
我們無權選的蟻民,
唯有苦笑!

17 則留言:

Ebenezer 說...

哈哈,你同我一樣,本來好唔想講政治嘢,但最後都要打尖出一篇。

狼同豬邊隻好D?
梗係隻搞笑豬好啦!佢定期出嚟娛樂大家,鑊鑊都估佢唔到,簡直係極品啦^^

新鮮人 說...

EBEN,
係唔想講,
但不可不理呀,
點都要面對!
苦笑!

L L 說...

豬狼對決,係特區近年來少見的高娛樂性戲碼,政壇現形記,三尖八角,乜鬼都走晒出黎咯!

梁巔巔 說...

i. 香港人冇種.

台灣人, 南韓人, 以力量爭到應有權利.

ii. 唐豬做硬.

naruto 說...

有唐豬,呢排新聞娛樂性多左,收視大升

係呢?豬有無唐氏綜合症架呢?

樂遊 說...

無啦。最主要的香港人(即係果幾件)都話豬好,算啦。
再講,三隻小豬中,狼終敗給豬。

Michele 說...

一個在朝, 一個在野, 各為君主, 相生相衡, 不得相扺

新鮮人 說...

laulong,
的確好戲連場!

新鮮人 說...

巔兄,
不是心頭掛個勇字就得嘅,
台灣叫民主,
但台灣、南韓有多人真正了解何為民主吖?
很多都是盲目被人政客理用而已,
還談不上真正民主,
請你不要時常妄自菲薄,
香港人是政治冷感,
因為政治上的無力感,
但胡亂發飊就可以嗎?
學巔狗咁掉蕉亂叫又算是什麼呢?
有用嗎?
你以為革命是玩笑的話,
近百年中國革了多少次命,
但有好結果嗎?
問題係人民民主義意薄弱,
革了命又只是給投機者一個獨裁的機會,
台灣的政黨變天,
上台的阿扁就是類似的例子了,
没有把人民民主認知啟蒙,
就算全民投票都不會有好結果,
當民主不可以只學不行,
要邊學邊行才可以,
所以我同意要推行民主選舉,
讓民智提昇,
但不贊成"革命",
因為根本對民主民智無補於事,
只會帶來更多苦痛!

無種?
唔係無種,
不用腦得個勇字的人才是無種呀!

新鮮人 說...

naruto,
你又玩食字呀!
哈哈哈~~

新鮮人 說...

樂遊,
看來個個都覺得中央會揀隻豬喎,
何解呢?
容易控制啲呀?

新鮮人 說...

Michele,
兩個都是在"朝"的,
一個是政務司,
一個是行政招集人,
又曾是董首特的智囊,
否則如何有機會參選呢?
不過兩人都暫時辭職了!

匿名 說...

撐豬嘅都係啲富豪大代,若豬當選,會唔會又用香港利益做回報呢?地產霸權,超市霸權,乜乜霸權,物物霸權,繼續百花齊霸?

匿名 說...

撐豬好,豬咁笨,容易搵著數。

新鮮人 說...

匿名,
豬係笨,
但只怕著數不轉到我們小市民攞,
俾啲地產商和大商家攞哂呀!

Ruth 說...

Laissez faire policy has worked well for HK. So, having a pig maybe better.

新鮮人 說...

ruth,
希望這個"laissez faire"政策還有用吧,
時移世易,
只怕我們在蠢人手上死得更慘,
不過我們無選擇權,
唯有聽天由命了!