2012年6月6日

嘈少陣得唔得?

潮流所趨,
差不多每個香港人手上都有部平板電腦,
或者至少有部 3G 手機,
早上搭巴士搭地鐵,
對住部手機或平板電腦,
人人頭耷耷手指係咁捽,
唔係上網 就係玩GAME,
或者睇電影,
身邊發生了什麼事都不知道,
總之自得其樂,
有些人更邊過馬路邊上網,
難得唔會扑崩鼻,
真係佩服到五體投地,
其實咁樣都幾危險,
有車經過都唔知,
上少一陣網唔得咩?

不過這是個人行為,
只要唔影響到別人無乜所謂,
最麻煩係有啲自私鬼,
唔用Headphone又開到個volume大大聲,
嘈到不得了,
我試過係快餐店食嘢時,
聽到附近有人玩鑽石方塊,
係咁bing bing wing wing響過不定,
煩到不得了,
但係左望右望都唔見週圍有人玩,
後尾臨走先發覺隔我四行枱外邊有個麻甩佬玩緊,
討厭到爆。
有啲阿伯阿婆喜歡用手機聽粵曲,
佢哋耳力唔好又唔用headphone,
開到個volume爆咁濟,
我坐係佢隔離唔夠一陣就頂唔順要走人。
其實係唔係要人立法禁止大庭廣眾嘈音騷擾先得呢?
哩啲個人公德唔係要人管先識啩?
或者佢哋覺得無乜嘢好少事,
但係又有無嘗試從別人角度著想吓呢?
你enjoy啫,
唔代表別人喜歡同你一齊欣賞嘛,
人家只是想靜靜地食餐飯,
或者想係車上閉目休息吓,
己所不欲勿施於人,
請那些自私人反省吓,
要人立例監管就無意思啦!

10 則留言:

梁巔巔 說...

有啲友仔專登開到咁大聲, 除咗 enjoy, 仲想畀其他人聽吓自己嘅 taste~

L L 說...

哩個社會因為人人打機搞機西愈來愈低智架喇!

新鮮人 說...

巔兄,

想人知道佢哋有taste?
想嘔就真呀~~~

新鮮人 說...

流浪,

究竟係打機打到低智,
還是低智才掛住不斷打機,
又或者是有什麼影響到市民愈來愈低智,
真係不得而知了!

翔 說...

有啲人就算戴住耳筒,隔開一呎都聽到強勁既音樂

l.minor 說...

最難頂係有d友唔知自己阻住人,係咁玩手機,超黑人憎

新鮮人 說...

翔,

我都見過這種人,
他們很快聾的。

新鮮人 說...

i.minor,

對,
那些人很自私,
超級討厭,
要丙呀。

imak 說...

agree! 學日本, 在公車上連電話都不可以講就好喇!

新鮮人 說...

imak,

我不清楚日本是否有法例禁止在公車上講電話,
但人家多是自律的,
的確值得我們學習!