2012年12月21日

世界末日? 我等你!

每隔幾年就有人話會世界末日,
又乜又七又乜鬼預言又乜鬼曆法,
 講到真嘅一樣,
你唔悶我都覺得煩,
但係又無次中喎,
不過依然大把人當真,
得啖笑!

好啦,
今次預言今日下午二點左右末日,
無聊、多餘、食飽無事做等屎痾,
非洲啲饑民一定唔會咁"昂居",
如果過咗今日下午2:00我死唔去點算先?
即係神棍現形啦,
哩班神棍慌死世界唔夠亂,
人心唔夠無知,
仲係度妖言惑眾,
唔係白痴就係騙財,
唔該通通拖出去斬!!!

會唔會有世界末日?
梗有,
宇宙萬物不會永久長存,
五十億萬年又好,
一百億萬年又好,
點都有終結嘅一日,
不過相對於億萬年嘅宇宙黎講,
得幾十年光景嘅人類根本唔入流,
以生命長短以至智慧高低來睇,
人類係無資格討論世界末日,
做人嘅,
不如做好本份,
做個不自私自利關心別人嘅人先啦,
唔好以為自己嗰套乜都啱,
人家就乜都錯,
目光狹窄,
唔好再人打人戰火連天啦,
人嘅根本素質都做唔好,
有資格去探討宇宙世界末日咩?
人類仲係亙相爭鬥的話,
只怕世界末日未到,
人類就用超級武器亙相毁滅了,
預言世界末日?
想想如何能令人類和平共容仲有用啦,
無嘢講攞嘢黎講,
今日下午兩點,
我等住同大家一齊死,
哈哈哈~~

14 則留言:

xiao zhu 說...

我等咗好耐喇!越快越好。

新鮮人 說...

小豬,

想死無咁快,
你辛苦命有排捱呀,
過多幾廿年先講啦。

xiao zhu 說...

又咁黑心,咒我!

不過我覺得,真正嘅末日,係會突如其來嘅。

新鮮人 說...

小豬,

唔係咒你,
性格決定命運,
你習慣咗咁樣,
唔做嘢會週身痕架!

laulong 說...

末日說沒完沒了,依家又話 2013 年喇,神棍總有市場!

新鮮人 說...

laulong,

哩個世界笨人太多,
所以才能養育一大班神棍,
無辦法啦。

Tonia Ho 說...

yes, ... 哩個世界笨人太多 ....

新鮮人 說...

Tonia,

-我們不笨就好了,
管不了那麼多。

聖誕快樂呀。

梁巔巔 說...

Wei wei wei! 遲來的 Merry Christina!

Haricot 微豆 說...

新鮮兄, 祝聖誕及新年快樂!!

新鮮人 說...

巔兄,

没有遲没有早,
帶表請帶樂都!

哈哈哈~~
謝謝!

新鮮人 說...

微豆,

謝謝!
新年快樂,
身體健康呀!

梁巔巔 說...

新鮮兄: 哈哈! 新年快活! ^~

新鮮人 說...

巔兄,

雖然遲了,
但也祝你新年新希望,
日日咁開心。