2012年12月5日

消失了的 油炸鬼!














不是開玩笑,
除了連鎖式的海x粥店外,
我在觀塘、九龍灣一帶再找不到賣油炸鬼的店鋪,
賣油器粥品的小店在不知不覺中好像完全消失了,
不知道發生了什麼事,
想想原因,
人們都不愛吃嗎?
倒也不像,
早餐一碗白粥加腸粉很不錯啊,
尤其是在冷冷的北風早上,
吃一碗熱騰騰的白粥簡直是人間美事。
想豐富點可以吃艇仔粥加牛腸,
或者配炒麵、炒粉,
加條香口的油炸鬼或者炸両就更妙。
可是現在都很難找到這些小店,
剩下來只有滿街的連鎖快餐店,
因為只有她們才有能力負擔高昂的鋪租,
想想没有人會買二三十元一份的白粥油炸鬼吧?
這些賣不到高價的傳統食物當然要退下來,
換上去的是十六七元一個鬆餅和三四十元一杯的咖啡了。
這些西式連鎖店愈開愈多,
差不多把整個市場全佔去了,
當然羊毛出在羊身上,
所有格外的價錢,
最後都是全數架到我們市民身上,
肉隨粘板上,
没計可施,
你覺得這是一個問題嗎?

ps:
有些人明知貴才去幫襯,
而且覺得西式早餐"形"很多,
當然口味無分貴賤,
一切只在於自己心態,
這就是PSY唱"江南Style"的自我感覺良好吧!

11 則留言:

laulong 說...

你說得對,我住的附近也難見油炸鬼。幸好我工作的區域還有賣粥品油器的小鋪!

新鮮人 說...

laulong,

再咁落下,
唔單止粥店,
就是其他小商戶都會全部消失,
剩下來只有大集團的連銷店,
全部人只可以替她們打一世工,
財富只集中在少數人手中,
造成貧富懸殊,
社會不公,
可惜那些飽食終日的庸官卻視而不見,
見而不明,
無能無用,
白拿人工,
可恥,
我們則可悲。

唉~~~~~

Ruth 說...

HK is dying, and is dying fast. No character at all.

五珍 說...

我常去的那間粥店還有油炸鬼,雖然油炸鬼不健康,但沒有油炸鬼的粥店就不像粥店了,難道連炸兩也沒有?這說不過去﹗

新鮮人 說...

ruth,

不是香港dying,
是香港 people is dying,
好多人都唔知自己做緊乜,
淨係識嘈嘈嘈和叫人辭職,
重要嘢反而無人理,
班人簡直浪費地球資源!

新鮮人 說...

五珍,

唔單止無油炸鬼,
係無粥店了,
除咗海x粥店!

梁巔巔 說...

完全同意Ruth姐姐.

另, 重要嘢, 又一樣唔到我哋理~

新鮮人 說...

巔兄,

dying唔dying,
係睇人心,
如想成日諗住自己乜都啱,
人家乜都係錯,
跟住亙相攻擊,
不能忍讓折衷,
香港一定死!

梁巔巔 說...

i. 特區政府有嘢啱?!

ii. 就係忍就係折衷, 香港先死.

新鮮人 說...

巔兄,

有時問雰唔係唯對誰錯,
例如那個高年津貼本意很多,
但要資產審查,
梁國雄就咬住哩點唔放,
話放過哩點就無可能有全民保障,
跟住就係咁拉布,
拖住條法案唔俾過,
仲話那些要求過的老人家自私喎,
梁國雄佢講到大仁大義,
但d老人家都七老八十了,
再拖只拖只怕死左都未收到一毫,
梁生哩d咪以為自已乜都對,
人家就乜都錯羅,
自以為是,
政府都一樣,
以為入息審查好合理,
一於企硬乜都無得討論,
雙方各持己意亙不相讓,
唔肯折衷,
唔係忍讓,
受苦咪係d老人家,
佢地兩邊無事架,
咁你點睇呢?

特區政府有嘢啱?!
就係哩種態度,
睇野唔中肯,
政府好多事做得唔好,
唔代表全部唔好,
好多政策本意係好,
只是執行時出現問題,
大家可以提出意見和"提意",
不要有破無立,
當刞政府背要掌握民意才政,
否則只有繼續嘈,
嘈啦,
各持己啦,
結果香港咪一定dying 羅,
唔好話政府整死香港,
那班係又鬧唔係又鬧的政客,市民都一樣有份整死香港,
咪以為自已有點道理就一味鬧,
咁態度於是無補,
只會兩敗俱傷 ,
星架波愈行愈快了,
香港點呢?
星架波民主嗎?

新鮮人 說...

巔兄,

在你家博多個題目下留言,
但都消失不見
請闆是否見到??
如有什麼問題,
請坦言相告。