2013年1月25日

別問我是誰~



"別問我是誰"是從前愛唱K年代的熱點歌曲,
那時和一班好友真的好瘋狂,
一星期唱足四晚,
星期五六晚更加唱通宵,
由晚上七點幾唱到天光六七點,
唱足十二個鐘,
真係唱到"別問我是誰",
自己係邊個都唔,
不過依家成班唱友都各散東西,
已經無再聚頭,
自己都好耐好耐無去唱K,
無十年都有八年,
唔知道依家啲年青人唱K有無咁瘋狂呢?

講返哩首"別問我是誰",
當年都算係熱播K歌,
每次去都會有人唱,
唔單止唱完又唱,
仲邊唱邊學王馨平嗰個"別問我是誰"手腕迴轉式,
依家諗起都笑爆嘴,
真係估唔到哩首陳年K歌會忽然爆紅,
我没有睇過"春嬌與志明",
直至近日才係網上看過這段搞笑片斷,
見到啲十幾廿歲朋友仔都話原唱幾好,
我諗連王馨平都估唔到哩首歌會鹹魚番生,
真係估佢唔到,
世事如棋日日新,
舊事故人又翻身!

6 則留言:

梁巔巔 說...

新力接不上; 香港淪亡.....

所以, 舊嘅搶手.

新鮮人 說...

巔兄,

唔好 咁講,
新的也有好的,
只是唔合我們口味,
就好似我上一輩睇四大天王唔順眼一樣,
總是覺得白光,周旋才算歌手,
死唔死係自己心看 ,
你成日話死當然死啦,
相反積極點,
世事可以有好多種看法,
你再擾亂軍心,
就拖出去斬架。

日本仔係外面也文也武了,
咪再講哩d洩氣話,唔該。

l.minor 說...

呢套野我都無睇,不過都知呢首歌鹹魚番生

至於部戲呢,聽聞都係講下粗口,係唔係都講一餐,好似而家啲年青人咁,等佢地認同下,咁就好收得...

新鮮人 說...

l.minor,

我都無睇,
聽聞近一兩年,
有不少以年青人為對象的戲瘨用爛口做焯頭,
d電影人再係咁只會火上加油,
搞到年青人覺得講粗口好自然,
咁賺錢好失格,
累死人,
尤其係依家不少年青人唔多用腦,
人講佢又講,
以為講粗口就好威,
大劑。

悟樂の空間 說...

半年都唔知有冇去一次 K~~
你真係好勁!!!

新鮮人 說...

悟樂,

那是上世紀的事了,
十年都無去過囉!