2014年5月28日

男人的浪漫?

男人的浪漫,
點解係豆腐火腩飯?
因為佢夠"麻甩"夠男人味,
啖啖肉味又濃郁,
燒豬皮又香又脆,
加埋枝竹蠔油汁,
嘩。。。。一大啖吞入口滿足到爆炸,
冬天天寒地凍食最有feel,
不過最緊要無人係側邊阿支阿左摩落哥,
又話肥膩又話"剩",
諸多理論,
煩到爆。

一個人自由自在,
左手一匙羹火腩飯,
右手一罐啤酒,
乜都唔洗理,
乜都唔洗想,
盡情享受,
簡直是人間最美樂事。

10 則留言:

Ebenezer 說...

咁至係人生嘛^^

xiao zhu 說...

我都啱架!

新鮮人 說...

可惜我無食好耐了,
人生無拘無朿,
不容易。

新鮮人 說...

夠豪爽!

laulong 說...

好耐冇食,好似遺忘咗,以前好鍾意 :D

新鮮人 說...

間唔中食返次都幾好,
做個開心自在麻甩佬。

l.minor 說...

火腩飯唔係我杯茶,一向對肥肉麻麻地啊~

新鮮人 說...

可能你後生,
未到麻甩佬年紀,
所以唔喜歡。。。

哈哈哈。。。

Haricot 微豆 說...

新鮮兄:

豆腐火腩飯不食久矣!! 還記得學生時代,西環茶楼兩元一碟有找!!

微豆

新鮮人 說...

微豆,

何不再食一次,
回味回味,
來個浪漫情懷?
一次咁多啦,
對健康影響唔大。