繁忙的街道上，
一個背着小孩的婦人正在發傳單，
那是某地產公司的樓盤鎖售單，
淺綠色紙張印着黑色樓宇照片和文字，
她很落力的把傳單遞到經過人群的面前，
可惜大部份人都視而不見，
有些更會把婦人手上的傳單推開，
兩個小時過去了﹐
發到路人手上的傳單未到一半，
工作未能完成，
婦人還要繼續派送，
那一小時十多元的人工不好賺!
小姐小姐，請問你為什麼不接剛才那些傳單呀?
派傳單咁唔環保，你睇下前邊那個垃圾箱幾多睇都無睇過的傳單。
先生，請問你為什麼不接剛才那些傳單呀?
我都無錢買樓，睇黎都無用啦。
太太，請問你為什麼不接剛才那些傳單呀?
嗰啲傳單黑麻麻咁，都唔知會唔會整污糟我隻手呀!
小朋友，你攞啲傳單黎做乜嘢呀?
我。。我。。我攞黎摺飛機囉，又唔洗錢，阿媽叫我攞架!
無論是什麼內容，
大部份的傳單都不好派，
而派傳單的多是老弱婦孺以至没有太多選擇的少年人，
他們只能靠這些臨時工賺點洗費，
如果是你，
你會幫他們一把，
還是堅持自己的原則，
隻手不沾呢?
道理的取決又如何衡量呢?
8 則留言:
基本上我都唔會收，因為真係對我冇乜用....
你唔收，
派傳單的人也很難有人工了，
很慘。
但收咗我真係完全冇用....
買旗也不代表你要那塊旗有用途呀！
通常我都會收，因為我想派傳單果位早d收工。
以前我覺得唔環保，
唔會要，
依家多數會要，
和你想法相同。
曾經經歷過類似闘爭
初初不接 因為冇用環保問題
之後一定接 幫助派者早點收工
最後都是不接 若沒有人接 賣廣告者會細考和選擇另外方法
新方法可能環保得來又可以提供工作給時薪派發員
沒有壓逼壓力他們就不會去改變
不但大量的紙張浪費 並且添加清理垃圾的工人煩惱
究竟會是商人轉向環保先？
還是低下階層餓死先？
在這個對低技術階級極少保障之下，
工人只能繼續受苦了。
發佈留言