2009年07月09日 星期四
莫再紙上談兵了!
昨天又有一間美容中心結業,
尚幸有另有公司接手她未完成的套票,
否則買了套票的顧客損失不少了。
近年美容中心競爭劇烈,
生意已經很難做了,
再加上金融海嘯,
不少美容中心都在苟延殘喘。
其實除了這些美容中心,
在這樣的經濟環境下,
很多零售服務業都面對很大的打擊,
可是政府不單没有積極協助,
還是採用那套不干預政策,
就以銀行的信用咭過數期為例,
銀行單方面把過數期由三個月延長為六個月,
對於一些小本經營的企業實在做成很大的打擊,
要知道香港人工高,舖租貴,
店餔每天的支出實在不少,
為了減輕負擔,
有個別商戶私下把信用卡簽賬收取了3個巴仙的附加費,
這樣做當然是不對的,
而消委會亦對商舖發出了警告,
可是政府對大銀行私自延長過數期卻視而不見,
任由小商家自生自滅,
這樣做實有欠公尤。
雖然政府不應該過於干涉商業活動,
但面對於一些不公平和以大欺小的問題時,
政府着實不應不聞不問,
要知道零售服務業養活了過百萬的香港人,
若果這個行業不斷出現萎縮和結業潮,
對香港的經濟打擊將會是非常巨大的。
政府時常說要協助中小型企業,
又組成那個什麼經濟發展委員會,
但全都是紙中談兵、毫無實際作用,
所謂遠水不能救近火,
麻煩政府看看實際情況,
向那些頻臨結業的行業伸用援手吧,
否則香港實在很難走出這個經濟困局!
2009年07月08日 星期三
七七「犬儒」!
有些人好討厭,
我稱為「犬儒」,
此「犬儒」有別於狄奥根尼那一派,
我指的是那些讀過丁點兒書卻喜歡把簡單道理扭曲化的人,
這些人時常在不適當的時候大發謬論。
昨天在網上和「噗友」輕談蘆溝橋事件,
但忽然衝來兩名不速之客,
他們大談日本侵略中國是由國民黨或共產黨挑起的,
又說日本鷹派抬頭也是因為中國積弱所致的,
還說通州事件才是蘆溝橋事件的真正原因,
最後更說要明白歷史就要看完中、日、韓三國的史書,
因為歷史時常給人"粉飾"了。
没錯,歷史是給人「粉飾」了,
但誰人這樣做了呢?
不要和我說什麼理論,
日本的確曾經入侵我國,
也殺害了不少我們的國民,
這是鐵一般的事實。
我個人對那兩人的言論極之厭惡,
首先我和「噗友」並不是要詳細深究事件,
亦不是要翻什麼國仇家恨的舊賬,
我們只是對蘆溝橋事件作出記念,
另外對方的言論只著眼一些微末事件,
但對大是大非的歷史事實卻採取避重就輕的說法,
這些只以為能夠從新把歷史作新角度看的「犬儒」簡直不知所謂,
他們自嗚要用客觀觀點看歷史,
實則只是把歷史正論扭曲誤解,
我之所以叫他們做「犬儒」,
就是因為我覺得他們書是讀得不少了,
但思想行為卻如狗隻一樣,
他們根本無視上一代人民受盡別人侵略的傷害,
如今還自以為是的大放厥詞簡直尤如狗隻一樣無人性,
這些「犬儒」書讀多都是無用,
他們腦袋裏都是雜草!
2009年07月07日 星期二
樹葉書籤
2009年07月06日 星期一
明天的膠袋稅點滴!
我覺得現在部份香港人好難服侍,
就好似明天開始的徵收膠袋稅條例,
之前啲環保團體媽媽聲話政府唔做嘢,
搞到香港每日有幾千萬個膠袋產生,
現在開始徵收膠袋稅了,
又話政府好心做壞事,
又話膠袋稅迫人去免膠袋稅商舖攞袋,
又話政府講得唔清楚又乜又物。
喂! 老實講政府之前咪聽你班友仔講開始做嘢囉,
而家法例剛開始實係有啲錯漏問題架,
有問題咪攞出黎討論囉,
唔洗又舉旗又媽叉吖?
你想人點先?
好X難服侍呀你班友仔!
另外,
啲人自己預先攞多啲膠袋用都唔關政府事架,
政府一早宣傳叫人少用膠袋啦,
要鬧就鬧啲人衰貪心又唔環保囉。
又好似有人話係吉之島等百貨兼超市的地方好麻煩﹐
因為以後買嘢要分兩次畀錢,
超市要收膠袋稅但其餘部門則不需要,
雖然這樣做會增加大家少少麻煩,
但如果為咗環保連咁小嘅付出都唔願意的話,
咁就唔該唔好學人講環保啦,
邊度有嘢係又方便又唔需要付出又對地球好架?
講得出咁嘅言論嘅人根本就唔會支持環保,
同佢講乜都浪費時間!
又有人話而家都唔清楚邊類商舖要收膠袋稅,
政府環保署又真係做得唔夠好,
佢哋個講膠袋稅商戶網頁淨係得英文版,
但香港係中英雙文架嘛,
係咪要整返中文網頁出黎先啱呢?
不過話雖如此,
如果大家真心想減少使用膠袋的話,
最好時常自備購物袋啦,
話之佢邊間收邊間唔收吖,
你唔攞袋根本唔需要畀錢,
你話係唔係吖?
雖然一刀切都好難,
但係大家做到幾做幾多啦!
2009年07月05日 星期日
我和蚊子戰鬥的日子!
攞綜援何恥之有?
東方日報7月5日
寧家破人亡 傲骨丈夫誓拒綜援人有三衰六旺,
曾一起度過顛簸際遇的夫婦,兩年前經營的文具店失敗,經濟頓陷窘困,惟「傲骨丈夫」堅持自力更生,拒絕申請綜援金,惟坐食山崩積蓄耗盡,夫婦為金錢問題冷戰,昨晨兩人在旺角寓所再為錢爭拗,妻子憤然跳樓重傷命危,其夫傷心悲慟,但依然拒為貧窮低頭,堅決地說:「我唔攞綜援嘅,死都唔攞!」
一時週轉不寧,
求助綜緩又有何不可呢?
為社會貢獻過,
又曾經納過稅,
享用社會福利又何恥之有呢?
度過難關之後,
他日東山再起,
一樣可以昂然濶步,
為一時面子問題,
弄至家嘈屋閉又何苦呢?
尊嚴不是指從不接受別人幫助,
而是指當有能力時不貪婪別人的協助,
這是批評那些好食懶非濫用綜緩的人,
而不是對一些一生辛勤苦幹的好市民說的!
2009年07月03日 星期五
2009年07月02日 星期四
睇見都把幾火!
"多個青年團體組成「七一青年大集會」,抗議政府漠視青年權益。約四十個青少年分成三隊,分布在遊行隊伍前、中、後位置,青年聯社成員江貴生說,政府欲推出強制驗毒,變相將濫藥的責任推到青年人身上,他認為問題的根源的毒品的售價愈來愈低。另外,他們又斥政府牽頭的大學生實習計劃,名為培訓,實質是以廉價人工剝削學生權益。"唔喜歡就唔好睇,我係要鬧班廢柴!
1) 有義務才有權利,没有貢獻過社會的人無權要求多多。
2) 支持強制驗毒,無食過怕什麼?
3) 濫藥主因不是毒品愈來愈平,而是不自愛,屎唔洗錢添,又唔見有人食?
4) 如果政府的實習計劃不行,政府最好乜都唔好做,由市場定價,反正從前都没有什麼實習計劃啦!咪由佢哋自生自滅囉!有料勤力嘅會揾唔到好工咩?
政府幫人仲要被人鬧,
雖然啲政策有好多改善嘅地方,
但有啲人根本無付出過什麼,
淨係識得亂嘈和要求多多,
而家有咁多輔助都唔知足,
問吓自己點解封求職信寫到鬼咁馬綠先啦,
咁嘅料唔係攞幾千蚊仲想攞萬七呀?
挑隙星吖!







