我是Kidult 傑斗?

如果有人問你係唔係"傑斗",你會點答? 我會答"係"!
今日睇"新聞透視",又學識左一個新字"kidult":凡指一群三十出頭,喜歡玩細個時玩意,例如模型,war game,睇漫畫...而且又充滿童心的成年人!我是一個大細路!
自己家裹都充滿這些"玩具",
好似有三四個紙皮箱(以前裝33吋大電視那種)的手塚治虫漫畫啦,
兩大洗衫袋以前從"歡樂天地"贏返來的卡通公仔,
一大樟木箱多年來從各地旅遊買返來的手工藝品和"己"念品,
仲有少量買左回來但又從來無開過既bandai模型,其他濕濕碎碎,多到我都唔記得了.

其實以上所有"貨品"全數存放在我老媽子家裹,
但她有時無僚又喜歡打掃屋企,成日問我仲要唔要我啲"寶貝",
如果唔要同我捐晒去救世軍喎.我話有d好值錢,以後買唔返架,
叫佢千奇千奇唔好移動我d心乾命"din",否則同佢死過! :-(
(註:我d寶貝巳全部包褢存放好,完全不會妨礙她的)

不過想下想下,D野收到入箱實一實,又睇唔到,好似好可惜,
但放晒出來又唔夠位,所以我既夢想是有一間好似歐洲小堡壘咁大的屋企,
咁我就可以將我d珍藏分門別類,逐件逐件放晒出來,
打晒spotlight,做到好似間小型私人收藏舘咁就正..正...正,
仲可以同班friend一路睇一路交換心得,好爽架!

不過以我d財力來睇,都係發夢多架啦!只有買少d,去睇多幾次當買左啦! >_<