男人都要氹！

男女分手多數是男友照顧不週，
或者是對女友不忠，出去花天酒地．
不過世事無絶對，男女都要情趣！

有個老友同佢女友一齊多年，
老夫老妻，相安無事，
但係結果都係分手收場，
而且仲係由我老友提出．
點解？(佢女友又好係無所謂咁）
我老友話佢女友唔『理』佢喎，
我問佢係唔係唔煮飯，唔打掃丫，
老友又話唔係，而且佢都唔介意呢ｄ嘢．
佢覺得最大問題係個女友太獨立，
無論工作上，家庭上都能夠完全自己解決，
而且對他又十分放心，
就算我老友夜晚唔返屋企訓，
佢都從來唔問他一句，
問佢點解唔問，佢又話信我老友喎．
所以我老友就覺得好無癮，
覺得自己係女友生活中是可有可無，
曾經多次叫佢女友管自己緊ｄ，
但係佢女友又唔多理，
結果當然係Game Over了！

有時我自己都覺得我地男人幾『犯賤』，
管我地又話煩．唔管又話無癮，
但係我地又常ｄ女性覺得無左我地就唔掂咁喎，
咁就會得好MAN咁，有強烈保護全家嘅使命感，
而且間唔中check住下我地，男人就覺得你好須要佢咁，
所以小鳥依人嘅女性是最受男性歡迎的，
就算你唔係呢種，
間唔中扮下都會逗到個男友好有滿足感，
對增進感情都有幫助！
我地都要人氹架！　:P