一個Remote Control可以控制自己的生活，好似Fast Forward, Pause, Mute, Track Back Serarching etc.但係就唔可以由頭再來，因為發生左就不可以改變的.Adam Sandler係一個已婚和有兩個子女的建築師，事業心十分強，但係在公司裏諸多阻礙，難以發展．後來得到一個神奇遙控，可以把他Fast forward到事業成功的階段，但係那樣就使他損失了不少同家人相聚的回憶，終有百般成就亦無辦法同家人分享，最後落得後悔收場！
不少香港人可以話係典型嘅Adam Sandler，無錢時努力揾錢，到有錢時都係繼續努力揾錢．正職要揾錢，兼職要揾錢，再投資股票，基金，外幣．．．揾錢好似己經成為習慣．朋友相聚多少都說兩句揾錢之道．而且社會是以你家產來衡量你是否成功，總之一切以錢為依歸．至於你同家人關係如何，有無足夠的親子溝通等等，都不大重要；又或者自己認為已經足夠，其實正處於危險邊緣而不知，究竟自己伴侶在想什麼？大家相聚時間足夠嗎？好多東西都被工作遮掩了而不自知．到發覺時，一切都不可以返轉頭了！
揾錢為生活，但係有了錢又無時間『生活』，好似是本末倒置！究竟有幾多錢才足夠呢？有了基本『生存』條件，如果可以同自己喜歡的人多點時間係一齊，無千呎豪宅，無跑車遊艇，無名貴華服，無珠光寶氣，無鮑參翅肚，無42吋大電視，只有咸魚白菜和一個愛你關心你的人在身傍，你可以接受到嗎？
官方網頁：命運自選台
10 則留言:
好多人都話好睇ar~我仲未睇..
搵錢唔會係我目標
但我一定是那種為了工作而可以犧牲好多的人
因為工作上的滿足感就是我的快樂
yanyan,
後生時多數以工作為主,
但係隨着時間過去,
你會發覺得有他東西更加重要,
而家你未必同意,
但係工作了十年後,
你自會明白的.
唔信,你把今日的說話記下,
到將來有機會拿返出來睇自會有一番睇會!
新鮮人,
並不是個個後生人都多數以工作為主...
我同老公...畢業後, 都從來沒有把工作為主.
好多人叫呢d 做無上進心...我唔知唔理. 總之我係唔可以把時間放在工作上而沒有私人時間享受人生...
所以有時我地都慶幸自己唔叻, 做既工是賺唔$$...
我而家好開心...有一個喜歡的人與我一起, 無千呎豪宅，只有400幾呎小屋; 無跑車遊艇,只有兩架單車; 無名貴華服，無珠光寶氣，只有左丹奴同朱義蠅; 無鮑參翅肚，只有豆鼓鯪魚; 無42吋大電視,只有25吋有牛龜電視...
這樣, 比上勁不足, 但比下都有餘...
偶有生活上的擔憂, 但成功度過後, 生活更實在.
這套戲我也很想看...但沒有時間... >.<
超喜歡pegpeg駁下去的那句：
我而家好開心...有一個喜歡的人與我一起, 無千呎豪宅，只有400幾呎小屋; 無跑車遊艇,只有兩架單車; 無名貴華服，無珠光寶氣，只有左丹奴同朱義蠅; 無鮑參翅肚，只有豆鼓鯪魚; 無42吋大電視,只有25吋有牛龜電視...
精境!!!! *0*0*0*
超級同意!!! 一生只為工作忙忙碌碌，忽略了身邊的人，這真是很多人都在做的事情，所以享受現在、享受生活、只要和所愛的人一起，咸魚白菜也好好味啦~~~
人只要懂得享受，才算真正活過~~
pegpeg,
你們都是幸福的人.
記得將來都要抱住這樣的心境! :)
nana,
我們都來唱句林子祥的：
『有了你開心ｄ，咸魚白菜也好好味，有了你與共聚～～～』吧！ =P
很多人都係貪心的,有左愛自己的人,就想改善自己同身邊人的生活.得到一樣又再想另一樣,永無休止..
bbj,
都唔係錯嘅,
不過要適可而止吧了!
但係就難d囉!
哈哈！ 大家說 CLICK 的大同小異。
不過，Adam Sandler 很勞力企圖改變他固有的諧星形象。
近期見過有Reign over me 香港不知上映沒有，上網查譯名『從心開始』，而我是看了老表帶回來的DVD。
說一個牙醫在 911 失去老婆子女，一個人孤獨的生活。
他在大學的同學，請他回家聚舊，企圖去開解他。 但同學的家，雖然老婆子女全在，其實也存在著問題。
兩個老友鬼鬼，繼續來往，但其實誰在幫著誰呢？
:)
『從心開始』看來好像不俗喎,
只怕香港裶商不會收這種非商業片回來,
希望就算唔播都會出DVD啦,
到時都想買來看看! :)
發佈留言