2007年3月21日

向7仔軟雪糕說聲BYE!


圖片:蘋果日報

你有無食過7仔啲軟雪糕呀?
我間唔中都有食吓架,
細個成日都叫個姐姐整多兩圈俾我,
但係次次都話唔得,
又話整多兩圈佢會俾人炒油魚,
真係呃鬼咩,孤寒到死!

聽講為左衛生問題,
而家新啲7仔都唔會有軟雪糕賣囉,
而且會慢慢淘汰添,真係十分可惜,
以後可能得返M記有得賣了,
等我有時間都去食返一兩次先!

21 則留言:

嬲記三文治 說...

有咩貢唔衛生呀??

☆!

D人真係多舊魚~~



(冇得食而憤怒中)

新鮮人 說...

嬲記,
聽講話間唔中就有人食到痾肥肥喎,
大腸桿菌呀,
其實係機器維修貴無錢賺就真啦,
有得食好食啦,
呀~~~你個邊都有少量7仔喎,
有無軟雪糕賣架???

kristie 說...

無呀,都係去m記食咋,不過呢邊7仔仲有思樂冰.

又一童年回憶變成絕響喇,唉.

新鮮人 說...

寶,
係喎,重有思槳冰喎,哩個夏天要飲返先! ^0^

畢滿 說...

宜家好多新開既7仔都無軟雪糕賣架喇!

新鮮人 說...

畢滿,
所以有點可惜囉! =)

伊麵丹 說...

就好似大排檔咁
我真係唔覺得大排檔有問題
香港最地道最好食既野都係大排檔到
係風土民情既一種......
細個去7-11買杯甜筒 $2.5
方便又好食,消暑解悶!
E+又黎呢D唔知做乜既解釋就毀滅左佢...
可怒也!

匿名 說...

其實係真架,賣軟雪糕啲機係好容易很多細菌架,我以前有個朋友屋企係做X山雪糕,佢都係咁叫我唔好食咁多。所以我唔會幫襯啲雪糕車之類,麥記呢啲出名嘅就OK。

xiao

新鮮人 說...

伊麵丹,
衛生問題是真的,因為啲人唔係好勤力咁日日清潔嘛!唔好咁怒啦,重有得食住先!

xiao,
我都知係咁嘅原因,
其實只要勤啲清潔應該會好啲,
而家唯有間唔中食一次半次咁囉,
話時話我食咁多次都無事,
都算好運囉! =p

Dr,Lam 說...

而家好多野都係不斷地淘汰..
正所謂舊既唔去,新既點嚟呢?雖然我哋都好唔拾得,但事實就係咁啦,就好以鐘樓事件咁.佛家有云:象界
世界好多野都係不斷變緊,冇野係永恆,所以只好無奈地接受
新鮮人:多謝你/妳既comment

新鮮人 說...

DR LAM,
如果眾生都係象界裏便,
咁樣我們對懷事懷物嘅懷念行為都會係包括其中了!

:)

無聊仔 說...

oh! no!

越來越多東西給社會淘汰, 那我們需要懷念的東西也就越多, 但越能常碰的東西又有誰去珍惜呢!

明天要去吃一個雪糕!

Pinocchio 說...

未聽過會冇得食BOR~

我一向都 LIKE 7仔同OK嘅雪糕,如果真係冇就太可惜喇,而M記嘅雪糕我覺得一般咋!

新鮮人 說...

無聊仔,
好,我地一齊去食啦! =)

木偶,
報紙係咁講喎,我都覺m記嘅係差少少的啊! =(

coobe 說...

為有食雪榚車同M記啦!

tofufa 說...

I like 雪榚車^^

新鮮人 說...

coobe,tofufa,
雪糕車啲軟雪糕比較淋,
我都係喜歡食7仔啲,
口感好啲啊! ^0^

pigbon 說...

M記d軟雪糕唔好味喎...7仔唔再賣真係好可借

新鮮人 說...

PIGBON,
真係幾可惜啊,
M記啲我都ok! =)

bbj 說...

思樂冰新地係我至愛....飯後飲一流呀!

新鮮人 說...

bbj,
思樂冰真係幾好架,
不過重要加雪糕?
你唔係要減肚腩咩??