本來都唔想講今年嘅財政預算案,
因為我是個數學白痴加財經無知,
但係睇完今天報紙嘅評論又忍唔住口,
真係不吐不快!
份預算案詳細嘅內容就唔講了,
要睇就自己去政府網頁睇啦,
但總括來講,今次財爺係大放水喉，
雖然唔係人人有着數，
但係總好過物都無吖，
可惜我發覺香港啲報紙佬把口真係好衰格，
以前無着數嘅就話人係守財奴，孤寒鬼，
而家財爺派多啲，
又反轉頭話佢慷納稅人之慨,派甜頭,派錢博掌聲,
真係唔知佢地想點,
係又鬧,唔係又鬧,
好心佢地積係口德啦,
唔係話財爺份預算案做得好好,
好似係長遠幫助脫貧方面着墨不多,
促進小型企業發展,推動經濟改善亦無良方,
但亦不是那些報紙佬說得那麼差吖,
就算真的要批評的,
都要好好說出清晰的論點,
而不是隨便咁亂扣帽子,
他們咁做只會反映出對政治嘅無知和無聊,
只求用嘩眾取竉嘅標題來博取賣紙數量而己!
新聞評論操守究竟重有無人識架?
9 則留言:
你講哂我想講嘅喇。^_
xiao,
你太誇獎啦,
我都係講出一個小市民嘅心聲而已! :p
係囉，我都係一介蟻民黎架咋，所以咪對到口。^^
你唔覺得香港d所謂傳媒就係o甘o架啦. 好似一定要講一d同主流意見唔同o既o野先可以表現度自己有立場.
就算係個d 民主派, 我都覺得佢o地好多時都係為o左反對而反對, 好似覺得反對政府就係攞到選票一樣. 好似今次財政預算案為例, 民主派都話如果政府唔另外對個d 三無人士派錢就投反對票wor!
XAIO,
:)!
詭異的木頭狗,
咁我又唔係話全部都係，
只不過幾有間大報真係咁喎，
你都見到架！
我對部份民主派都愈來愈失望，
有啲真係為反對而反對，
我下次就一定唔會選這部份人囉！
以往報紙的工用係報導新聞，依家的報紙係批評新聞嘛，都完全唔同咗．．．．
bbj,
社論一向都好,
但係無point亂咁鬧就係這四五年先多見啊!
而家部份新聞從業員嘅質真係愈來愈差了!
香港依家d報紙早已淪為右派既工具
無論政府做咩都是有彈無讚
好似今日咁..佢地d咩咩調查話梁家傑在辯論中勝過曾特首..
d報紙都當香港人係盲的
yanyan,
咁梁生嘅口才同當時嘅表現又真係好啲喎!
當然揾梁生做就未必實好過老曾,
但係老曾都唔係好貨色,
你睇下佢小氣到死,
俾你話兩句就黑口黑面,
成日話政府要市民嘅支持,
但係就擺出一幅高高在上嘅嘴臉,
而且同啲商家佬關係千絲萬縷,
你話佢地無瓜葛我死都唔信!
發佈留言