2007年3月10日

燒壞腦!


差不多日幾兩日無物食過嘢,
飲返啲萄葡適補充下先!
口淡淡,啲萄葡適好飲到飛起吖.
而家好返啲啦,
唔會作悶作嘔,
好似有左咁樣,
全身啲骨頭都無咁痛,
真係一身都輕哂!

病緊嘅時候發覺一樣嘢,
就係個人會好down好無心機,
重要有少少輕生嘅念頭,
對於我來說是少有的,
唔知係唔係身體機能混亂期間,
影響到腦部思維同情緒所致呢?
如果係咁,嗰啲長期病患者真係會有自殺嘅傾向喎,
係唔係除左有醫護人員照佢地嗰身體外,
還要一些心理人員去開解下佢地呢?
如果病一病就諗埋咁多嘢,
我又係唔係燒壞左個腦呢?
其實我都無燒過!

8 則留言:

匿名 說...

幾強嘅人,一有病,就都係一樣,會變得軟弱左,真係需要心理輔導架。好多年前我曾經有一段時間唔返得工,日日瞓係床度望住天花板,終於有一日頂唔順,打電話去人事部話要辭職,因為怕自己阻住地球轉,唔知幾時先返得工。不過好彩人事部極力挽留,後來仲幫我調左去一個對我日後影響非常深遠嘅部門。際遇!

sorry,越講越遠。咁其實你今次係唔係食錯嘢引起,定係咩事搞成咁呀?

xiao

新鮮人 說...

xiao,
應該係食左啲污糟嘢囉,
可能係啲隔夜麵包呀!
以後都係即買即日食囉!

Green Rabbit 說...

好好休息,早日康復! 當作排清毒素身體好吧!

新鮮人 說...

Green Rabbit,
謝謝啊! :)

anmary 說...

好返就好~
你D"憤怒青年", 病真係唔適合你:P

果日同NANA食飯, 我一講起"憤怒青年", 佢立即話: 新鮮人!

HAHAHAHA!!!!!!

新鮮人 說...

anmary,
我都覺得自己病嗰時係特別温柔啲架,
其實係講嘢都無力呀,哈哈~~~~~~~ ^0^

bbj 說...

只不過病的時候手軟腳軟咁,做唔到野,又有時間被你胡思亂想咋!唔關發燒事!

新鮮人 說...

bbj,
我諗嗰啲都有道理架,
真係好多長期病患者自殺架!