差不多日幾兩日無物食過嘢，
飲返啲萄葡適補充下先！
口淡淡,啲萄葡適好飲到飛起吖.
而家好返啲啦，
唔會作悶作嘔，
好似有左咁樣，
全身啲骨頭都無咁痛，
真係一身都輕哂！
病緊嘅時候發覺一樣嘢，
就係個人會好down好無心機,
重要有少少輕生嘅念頭,
對於我來說是少有的,
唔知係唔係身體機能混亂期間,
影響到腦部思維同情緒所致呢?
如果係咁，嗰啲長期病患者真係會有自殺嘅傾向喎，
係唔係除左有醫護人員照佢地嗰身體外，
還要一些心理人員去開解下佢地呢？
如果病一病就諗埋咁多嘢，
我又係唔係燒壞左個腦呢？
其實我都無燒過!
8 則留言:
幾強嘅人，一有病，就都係一樣，會變得軟弱左，真係需要心理輔導架。好多年前我曾經有一段時間唔返得工，日日瞓係床度望住天花板，終於有一日頂唔順，打電話去人事部話要辭職，因為怕自己阻住地球轉，唔知幾時先返得工。不過好彩人事部極力挽留，後來仲幫我調左去一個對我日後影響非常深遠嘅部門。際遇！
sorry,越講越遠。咁其實你今次係唔係食錯嘢引起，定係咩事搞成咁呀?
xiao
xiao,
應該係食左啲污糟嘢囉,
可能係啲隔夜麵包呀!
以後都係即買即日食囉!
好好休息，早日康復! 當作排清毒素身體好吧!
Green Rabbit,
謝謝啊! :)
好返就好~
你D"憤怒青年", 病真係唔適合你:P
果日同NANA食飯, 我一講起"憤怒青年", 佢立即話: 新鮮人!
HAHAHAHA!!!!!!
anmary,
我都覺得自己病嗰時係特別温柔啲架,
其實係講嘢都無力呀,哈哈~~~~~~~ ^0^
只不過病的時候手軟腳軟咁，做唔到野，又有時間被你胡思亂想咋！唔關發燒事！
bbj,
我諗嗰啲都有道理架,
真係好多長期病患者自殺架!
發佈留言