2007年3月19日

考試花


每一個階段都可能會有一樣東西或一種味道會留在自己的腦中,
小學時代嘅嘉頓威化餅,
初中嘅霸王花煲瘦肉湯,
會考時的杜仲藥材味湯,
但杜鵑花就係我成長嘅年代陪伴我十多年,
我叫她做考試花,
每次見到都唔係好開心,
因為杜鵑三四月一開就係考試嘅季節,
尤其係考公開試,
一到三四月時間又無喇,
但係考試又愈來愈近,
自己平時又懶又唔温書,
嗰刻嗰心就會死死實實咁,
而家畢左業咁多年先至無這種感覺,
你話對我哩啲懶人黎講係唔係好大陰影?
希望今年要應付公開考嘅學生努努力力,
唔好學我以前咁樣做大懶蟲,
考試順利馬到功成!

4 則留言:

YanYan 說...

花我就留意
但就好鍾意考試月份既天氣
有陽光得來又唔太熱~!
心情都特別靚~

新鮮人 說...

yanyan,
係喎,你嗰邊都有種杜娟花喎! :)

yuen luk luk 說...

哈哈~~~寫得好呀, 見到杜鵑, 就會諗起以前考的公開試了!

新鮮人 說...

yuen,
我覺得好似童年陰影咁呀,
細個見到杜娟花就週身唔舒服,
尤其我係一個懶學生囉! =p