2007年3月13日

新塑膠十元紙幣


政府今年年中就會推出新的塑膠十蚊紙,
聽講比較耐用和衛生,
而且又可以循環再造,
雖然造價比傳統的貴,
但都不失為一個好嘗試.

大家有無留意原來我地而家用緊嘅十蚊紙,
紙上面還是有當年做過財政司梁綿松嘅簽名,
當年梁綿松嘅空降都算是一件政府趣聞,
再加上佢娶了中國跳水皇后伏明霞就更加傳奇,
而且不少男仕對佢娶得美人歸都十分妒忌.
時間真係過得好快,香港人又健忘,
想信都唔係好多人記得佢做過財政司,
今年年中新發行嘅塑膠十蚊紙都會換上唐英年簽名了!

11 則留言:

匿名 說...

見到唐生既簽名, 突然間諗起, 白龍王會係各種紙幣上簽上大名, 送比善眾......

新鮮人 說...

jerry,
破壞或塗污法定紙幣係反法架,
係香港實俾人拉呀! =p

匿名 說...

我都覺得用塑膠做銀紙真是不錯,地碼
乾淨點同唔怕撕爛

匿名 說...

大陸先最應該出膠幣...
D銀紙好核突.....
之前仲驗到有唔知咩咩菌添
諗起都驚驚

新鮮人 說...

coobe,
係囉,污糟左咪用水洗囉,
尤其係豬肉佬找返黎啲錢,
成張紙幣都係血跡,好恐怖!

伊麵丹,
大陸都有塑膠紙幣,不過唔多囉!

bbj 說...

聽講有梁綿松簽名嘅十蚊紙值錢喎!即係可以賣高過面值呀!可能十蚊可以賣到十一二蚊呀!

新鮮人 說...

bbj,
哎呀,我用左喇! :(

匿名 說...

點會唔記得梁生丫, 佢做財爺開始政府先自己發行$10紙幣, 佢做財爺有得在銀紙簽名幾威, 做一陣就可以在銀紙留名
話時話, 唐生個任期都就快滿喎, 會唔會又係簽名印響銀紙不久又byebye呢

新鮮人 說...

lala,
唔會嘅,唐生咁受北爺爺喜愛,
佢一定有排做呀!

bbj 說...

用左....搵過張返黎儲啦,到第時俾你個仔仲值錢呀....

新鮮人 說...

bbj,
咁積係有排等囉! :p