2007年4月4日

老媽語錄:我至憎我阿嫲

你們對自己上一代了解有幾多?
知不知道他們小時候的生活如何?
知不知他們的志願是什麼?
知不知他們小時一些鎖事?
以下是新鮮媽的自白:

『我最憎我阿嫲,佢唔俾我讀書!』
『佢話女仔唔洗讀咁多書,無用又浪費金錢!』
『後尾我靜靜雞係屋企穀倉逐少逐少咁攞啲縠去交學費喳.』
『連讀書張枱椅都係自己抬舊屋啲爛枱用架!』
『我書法唔錯架,老師都讚過我,重攞過比賽冠軍添!』

『我憎到我阿嫲死!』
『有一次佢揾滾水淋我隻手!』
『成塊肉爛哂又含濃,痛左我幾個月!』
『我阿媽又怕事,唯有靜靜咁幫我搽藥膏,我老豆一句聲都無出!』
『我老豆老母都係重男輕女,淨係識叫我寄錢返去俾我阿哥搞生意!』
『我好憎我阿嫲,佢死左咁多年我都無拜過佢!』

『我好想做護士,鄉下隔離屋個女仔走左去廣州讀!』
『落到黎香港我想去做導遊,走左去讀英文!可惜無人介紹入唔到行!』
『三婆介紹我打工,包食宿,但三年來佢攞哂啲人工,我一毫都無!』
『老豆老母問我攞錢,我話無,佢地唔信,話我自己洗哂,我真係蠢!』

『我喜歡去邊就去邊,食什麼就食什麼.』
『自己錢自己洗,唔洗再寄錢返去俾我個衰大佬!』
『我而家最開心,因為無人可以管我!』

ps:我覺得新鮮媽係一個幾堅強嘅女性,十四五歲自己一個人落到黎捱世界!

8 則留言:

xiao zhu 說...

有經歷,係會強啲嘅。我阿媽都幾堅架!嗯,諗吓好唔好又寫吓佢呢。真係架,上一代佢哋嘅經歷,係有好多好聽嘅故仔架。:)

bbj 說...

新鮮媽好堅呀....

大B哥 說...

虎母無犬子...哈哈!!

新鮮人 說...

xiao,
如果可以,你都寫吓,
當係留下點點片斷,
唔係好快會遺忘了!

bbj,
其實每個老人家背後都有一些難忘嘅事情,
只要我們細心去聽,
會發現到好多特別的事,
而且會對佢地加深好多了解!

大b哥,
好耐無見喇,
有時間要多黎架! =)

pigbon 說...

捱過苦、有閱歷的人講嘢都唔同啲
新鮮媽,強呀!!!

新鮮人 說...

pigbon,
真係,捱過苦個人會堅強好多!

tofufa 說...

I'm very lucky to be born in a modern world.

新鮮人 說...

tofufa,
每個年代都有特別之處,
吃過苦的人也會特別堅強,
反觀現在的少年人,
好像生活在glass house入面,
受不起風雨,
少少事就自殺,
有時我都想活在一個大時代裏,
人會變得更堅強一點!