2007年4月4日

靜下來!


每次聽到這首《願》都會有一種神傷的感慨,
九四年的《晚九朝五》裏有陳小春,陳豪,張睿玲,周嘉玲....
他們係戲裏過着靡爛的夜生活,
晚上九點至早上五點才是他們最精彩的時候,
溜漣酒吧夜店隨便找個合眼緣的人上床,
早上起來又如行屍走肉的上班,
雖然是十多年前嘅電影,
但回看今天,
不少年青人還是過着差不多的生活!

或許每個人都曽經經過茫然無目標嘅階段,
曾幾何時我都有類似嘅生活,
雖然没有電影裏咁誇張,
但蒲夜店酒吧日夜顛倒,
搞到日間工作魂遊四海,
這樣的生活只會愈過愈空虛,
漫無目的只曉得夜夜笙歌咁,
真係毫無意思,非常厭倦,
人愈大就愈唔想蒲,
只想有一個家,
回家可以有一個人一齊看電視,
一齊食餐家常便飯就心滿意足了!
蒲,真係唔再適合我!

9 則留言:

xiao zhu 說...

係時候喇,新鮮兄! ~_*

新鮮人 說...

xiao,
男男女女都是想落葉歸根,
還好有人陪伴左右!

xiao zhu 說...

嘩,唔係嘛,凌晨4點幾未瞓?定咁早起身呀?

落葉歸根?嗯。

新鮮人 說...

xiao,
凍醒左訓唔着咪上吓網囉,
有邊個唔想有個家呢??

xiao zhu 說...

哈,我突然諗番起我 27/3 篇blog 個度,我覆你嘅留言,你一定冇返去睇番定喇。你睇番啦,不過睇左唔好嬲喎。講真,同你傾偈,好有屋企人feel 呀。^_^

係囉,我一開始咪話左你囉,你咁想,就快啲置番頭家啦,仲等咩呀?

新鮮人 說...

xiao,
而家幾好吖,
自自由由又有人陪,我鐘意這種感覺! =)

xiao zhu 說...

曬命啦!!

yuen luk luk 說...

呢首歌真係好好聽!

新鮮人 說...

yuen,
我都好喜歡,
使我想到某個時期的自己啊!