我都好耐無試過大聲用粗口鬧人,
但噚日係旺角我就爆粗了!
同朋友係旺角步街行着,
正當我們談論着某間店舖的擺設時,
忽然間我下體遭人用手抽袋打了一下,
猛然回頭看過究竟時,
一個七十歲的阿婆就指着我鬧:
『你做物跟住我呀?XYZ星星月亮太陽．．．．』
無端端俾人打一嘢，重要俾人問候，
我都唔知發生什麼事,
之前明明身邊一米以內都無人，
而且亦未曾見過這個阿婆係我們身邊出現過，
嗰時真係把幾火，見佢還不停口，
於是回佢一嘴：『黐線，邊個跟你呀，你有無搞Ｘ錯呀？』
我朋友把我拉開後，
本來都唔想同佢斤斤計較了，
但她還就是跟住我們當街破口大駡，
我無名火起三千丈，
於是就停下來向着她大駡：
『黐Ｘ線呀，搞物Ｘ嘢呀你，有病就睇醫生啦！』
但她還是死心不息係度”吖芝吖咗”，
本來我火滾到想丙多佢兩鑊,
但心諗佢都係有病居多了，
實係唔知黐咗邊條根，
所以都費事理她，
回頭走了算數！
我本來是一個十分尊重老人家的人，
但當街當行無原無故給人破口大駡，
還要被她打了一嘢下體真係好火爆，
就算她真是有病都不可以亂來的嘛，
所以就忍無可忍爆咗佢一鑊金了！
12 則留言:
好無姑呀你！那天我在超市都見到個男人無神神比個亞婆駡，而好明顯個亞婆係shortshort地。個男人好無奈無出聲，但佢女友就引唔住話個亞婆兩句
"就算她真是有病都不可以亂來的嘛，"
如果佢係有精神病嘅就冇得講架喇。唔好咁㷫喇，飲番杯茶順番條氣喇。^_
"唔好咁㷫喇"
出唔到個字添。"唔好咁'興'喇"
冇謂同阿婆嘈呀...點都係佢岩架啦...唉.
真係好無辜呀！
不過最慘係無仇報，就算同佢鬥鬧
都係你蝕底，我男友都講過話行街
或者搭電梯俾人誤會，但都已經好
興，何況你仲要無情情俾人打一野
要害。
為有為你高歌一曲"忘記她"等如忘
掉了一切
各位,
我都知無謂同佢嘈,
但一來被人打到嗰度真係好興,
二來我唔大大聲咁講返,
週圍啲人真係會以為我跟住佢有企圖架,
咁樣係為咗自保呀!
如果我完全唔出聲走咗去,
人哋信哂個阿婆報警我就煩囉!
我咁講起碼啲人會懷疑係嗰阿婆有問題嘛!
其實阿婆自己都唔想。好多時候我忍受不到別的老太婆老公公的野蠻和無理取閙時，我都會對自己說：
“可能一天我父母老了，也會變成這麽奇怪的老人脾氣。我不想別人對他們呼喝，所以我也不能這樣對其他人的婆婆公公。”
就這樣，把氣認下來。我們能做的，只有諒解他們。有一天，我們也會變成那樣呢。。。。多無奈。
"就算她真是有病都不可以亂來的嘛"
阿婆有無病都好,袛要你一出聲罵她或出手打她,所有情與理都歸佢,無論你在街了事或上警局都好,你都是錯的!可以做的就袛有忍和快快走人為上!新鮮好歹算是條"好漢",眼前虧不吃這道理你應該懂,是否?
嘩,唔係呀,俾我就唔忍啦.
公道自在人心,上到差局都咁講嫁啦.
自己無做過就唔洗怕,而且,係佢出手先,
無黎禮貌,一點客氣都唔有.
下次都係小心為妙~
可能佢個袋入面有刀...gosh!
不過我都support你鬧佢
如果我係到實會幫口鬧埋一份!
hanamaru,
話分兩頭講,
有奶油係街無端端俾個阿毛打幾嘢架,
我又無得罪佢,
佢又唔係我邊個,
我點都唔會忍佢架,
尊重老人家係一件事,
亂咁打人駡人又係一樣事,
我不要混在一齊講的,
你話我頑固都係咁講了!
風信子,
我一定唔會出手,
無論係大人定老人,
出手就反咗傷人罪,
我真係無咁笨,
但如果在係咁我一定會据理力爭,
反差館都不會放棄的,
我是一個好有原則的固執仔呀!
而且我有人做証,
黑就黑,白就白!
wutkwo00,yanyan,
後生仔就是後仔,
同我的看法差不多喎,
係yanyan都講得啱,
佢癲癲可能會攞把刀架,
所以都會小心啲!
nighttale,
阿婆黎架,
留返俾你囉! :p
發佈留言