保護小班鳩

由於這兩隻小班鳩日日在攀架上痾雀屎,
公園清潔佬不斷煽動其他人捉咗佢煲湯補身,
今日佢又煽動個太極佬出手,
佢見個太極佬心郁郁就攞埋把梯黎,
係佢正在爬上去要出手嘅時候,
我走上前說:『我可以打電話去防止虐畜會投訴架!』
於是個清潔佬好無癮咁爬返落黎,
我同班人講為咗幾篤屎就殺咗兩隻雀好無謂,
又話如果成個公園無哂雀聲你哋都無癮,
但係佢哋都唔係好明,
淨係覺得兩隻班鳩整污糟啲地方,
我話將張凳移前啲咪得囉，
但係佢哋都無物反應，
我諗我都保護唔到兩隻雀幾耐，
可能而家己經被人捉咗煲緊湯囉！