按圖放大可以清楚看到我的舊居
偶然從電腦中尋回這張寶貴的舊相,
這就是我孩童時代生活過的地方,
紅框的位置是我的舊居和舢舨,
現在再看,
發覺住在那兒比九龍好好多,
起碼空氣都清新多了!
人人買樓都話背山面海,
最好就坐北向南,
我這間舊居就正正是這樣,
夏天就最好,
一熱就可以走落去游水,
而且從屋走到沙灘都不用二分鐘,
喜歡幾時游就幾時游,
游完可以再游,
加上風涼水冷,
點需要開冷氣架!
重有呀,
屋後面又有座小山丘,
因為外形似個麵包,
我哋成班細路叫佢做『玻蘿包山』,
平時最喜歡同隔離啲細路爬上去,
摘山棯,捉金龜,打山戰...
爬到上頂可以望哂成個馬料水,
而且極之大風又清爽,
成班細路就咁大大聲喺度叫,
真喺好正!
馬料水火車站傍邊就喺中文大學,
返學放學就喺那邊搭校巴,
所以有時放咗學都要週街逛,
中大嘅荷花池以至上面嘅百萬大道都喺我哋時常逛的,
不過那時就重未想過入中大喎,
結果我真喺入唔到中大,
都怪自己細個無早立『宏願』,
不過細路哥點會咁有大志吖,
有得玩有得食唔洗做功課就開心啦!
43 則留言:
吓?睇唔出哦?新鮮乃水上人家? ＠．＠～
根據描述,童年時的生活若是如斯,確也真的可說句"無憂無慮",想必是很快樂的事 :)
I was on the train for the first time when I was 6. It's also then I knew there's a place called university and I immediately thought I would study there when I grew up.
風子,
喺呀,我真喺住喺海邊架,
我就不是水上人,
只是在那兒開士多租舢舨畀人玩囉!
我而家睇返真喺好懷念那時自由自在嘅生活!
ruth,
你咁細個就咁識想,
唔怪得讀書叻過我咁多啦,
六歲?
我成個頑童咁喳! :p
wow..估唔到果度咁靚架..
不過我住慣港島區
太偏遠既地方就唔岩我...hahaha
我連住觀塘都覺搭車麻煩
我都係鍾意上環多d耶~~
yanyan,
你都話靚呢,
新界又住過,九龍又住過,
我都喺喜歡界多啲,
空氣好,活動空間多啲,
人都relax啲嘛! :)
嘩, 你舊居環境好正喎
LALA,
正呢!
可惜而家填哂,
變哂大馬路囉! :(
咁講法, 你的童年生活真的很寫意無憂, 也令人嚮往! 我腦裡可聯想到的是某卡通片的情節—頑童歷險記 =p
若今日要過這種生活, 真的要放一放悠長假期先至得啦 ~
頑童歷險記?
你講得好啱,
細個時真喺幾頑皮架,
好似甩繩馬騮咁架! :p
甩繩馬騮???????
咁新解媽咪有好多條草繩係屋企?
順便問問, 秤座的你係那一天生日架?
風子,
佢用第樣嘢,
就喺木柴,
玩完返黎咪被人用柴打鑊勁個囉! :(
18
環境真係好正！
對我黎講養狗真係一流，經常可以
同狗狗一齊游水，住九龍環境真係
差，不過方便返工無辦法啦！
coobe,
我都覺得住析界養狗方便好多,
起碼都可以多啲地方畀佢哋週圍走嘛,
所以嗰時我屋企養咗三隻狗同十幾隻貓架!
有時重會養埋雞添加
:)
哈哈, 你好明顯係"少丙"果隻 XD
係咪新鮮媽覺得你五行欠"打",所以得閒就幫你補一補呢方面既不足 =P
18? 噢, 唔該晒!幾驚你係第二日 ．．．
風子,
我哋哩啲山野小童,
邊個唔喺由細打到大吖,
如果好似碌葛咁又乖又聽話,
淨喺識坐喺屋企你重驚啦!
唔喺18有什麼問題呢???
由細打到大???咁你層皮咪要九重厚? XD
似碌葛又乖又聽話淨喺識坐喺屋企???
哈哈,我咪係囉,我又唔覺佢地識得驚哦! =p
無問題,我睇錯以為你係另一日唧,18幾好呀 ~
風子,
如果你喺住喺新界,
我諗你都同我哋一樣通山走呀,
重唔喺好似陣風咁,四圍飄咩!
所以環境對細路影響真喺好大架!
未住過新界,不過認同環境對個人既影響,尢其係細路仔!
各有前因莫羨人，無論係”少丙”或”丙得少”，童年都應該是無憂無慮的 :)
風子,
每個人都有不同的成長背景嘛,
你住九龍/港島自然又有另外的有趣東西啦! :)
哈哈,當然有趣事有天壤之別,
例如風子係14/f種下西瓜咁啦 XD
風子,
14/f種西瓜?
物唔喺12/f養牛牛咩?? :p
我都記得住12/f係要養牛牛既 XD
不過當年風子係住係14/f樓嘛,唔養得牛架, 咪種下蔬果囉,印象中係14/f樓種過西瓜 :)
風子,
咁有無收成先?
其實種西瓜都要幾大地方喎?
嗯,收成都唔錯,個西瓜有手拳頭咁大個,不過也因為太大,俾風爸發現左,除左俾人"丙"之外,當然個瓜都保唔住囉, 唉 ~
風子,
拳頭咁"大"個都未食得啦,
住新界就唔會有問題,
種物瓜都唔會有人理架! :p
新鮮, 14/f既西瓜係咁上下水準咋, 所以唔好學 :)
風子,
而家想種都無位啦,
個騎樓豆腐潤咁細,
種椒仔就得! :(
ps:觀塘西瓜廿蚊一個,好平,重種物鬼! :p
”觀塘西瓜廿蚊一個,好平,重種物鬼! :p ”
－＿＿＿＿＿＿＿＿－”
而家唔係住14/f樓，唔駛種啦 ～
p.s.種驅蚊草，唔係蚊蚊又來探你 :p
風子,
佢哋日日都黎探我啦! :(
其實喺唔喺有報話過真喺有用架??
哈哈,佢地鍾意你嘛,貪你皮肉夠"新鮮",樣子也很"靚仔",這類條件的男孩子時下買少見少,碰上了就不要放過!
你看?蚊蚊對你幾專一?日日來探你呀 XD
風子,
我皮粗肉硬,
佢哋應該去揾你先啱,
斷估你都"好味"啲啦!
哈哈哈~~~~~
hei, 唔好咁講 ~
要知道蛟蛟都有要求架,
唔'熟'唔食，唔'新鮮'唔食，
唔'好味'哦，更加唔想食，
你睇佢日日來探你????
呢ｄ咪就係信心既保證囉！！！
來，俾ｄ信心自己先 XDDDD
風子,
你唔洗驚,'
我同怇哋講過啦,
佢哋今晚會去探你架,
你好好餵飽佢哋囉喎!
XDDDDDDD
hei, 大家咁熟,唔駛咁客氣啦...
乜你未聽過呢句咩???
--> 唔熟唔食!
人同此心,蛟同此理!
你同佢地咁熟,所以咪袛係搵你囉 :)
風子同佢地從來沒兩句,又唔喜歡同佢地玩格戰遊戲,又喜歡種驅蚊草!好麻煩既...
呢d同蚊蛟交朋友的"福份",放心,風子點都唔會同你爭 XDDDDDDDDD
風子,
你唔好推喇,
佢哋今晚實揾你,
你講物都無用啦! :p
哇!你舊居真係無得彈!!真夢幻,兒時在那裡長大簡直是天堂,管他甚麼木屋不木屋的!
現在還有人住吧?真是小說理的居所啊!
茂斯,
對不起,
遲了那麼夠才看到你的留言!
SORRY!
那裏已填哂了,
現在成為科技中心,
只剩下回憶了! =(
原來以前咁嘅樣，真係唔知喎
naruto,
n年前囉,
唔知都唔奇吖!
咁以前坐柴油火車經過九廣鐵路馬料水站,我都可能会見過你嘅屋企噃!!
微豆,
因為我們的屋是在山背的,
剩火車經過入大埔時,
有可能會見到少少屋角,
也許當我在海中游水時,
你剩坐的火車就剛剛經過,
我們曾經同時出現過在同一個地方,
只是當年没有緣份相遇啊!
正！實在珍貴的照！
laulong,
對,
很珍貴的照片,
找了很久才找到!
發佈留言