淫賤不能移?

在網上見到這條新設計的毛巾,
有人一見即講:『賤格』,
有人就大讚有創意富幽默感,
究竟是淫賤定亦或是創意,
真是十分難下定論!

淫審處可能是以露點與否來下定論,
但這條毛巾根本一點都無露過,
如果你話條毛巾意識不良,
咁即喺話凡與性有關嘅都是『淫』?
性交性愛乃天生本能,
而這個設計又無宣揚濫交亂倫,
那又何罪之有呢?

如果話驚啲細路見到照板煮碗,
我諗重點不是唔畀佢哋見佢哋知,
其實我哋唔講唔代表佢哋唔知,
重點喺要佢哋清楚同正確哋認識『性』,
過點都好過畀青少年自己盲目『發揮』!

設計藝術有時會天馬行空,
好難把每樣東西都囹於框框之內,
否則創意不會生存於一池死水裏面,
予其樣樣禁制,
不如積極教育下一代正確的思想吧,
由年青人自己認識分辨總好過盲目保護吧!