傳奇的開鎖佬

昨天是我的黑色黑期五,
因為露台玻璃門把鎖壞了,
上網又連唔線,
你話喺唔喺黑仔吖?

開鎖連安裝新鎖足足花咗我四佰幾,
對於我這些貧苦大眾真喺攞命,
但都無計,唔通成世唔出露台咩?

講開個開鎖佬都幾過癮,
佢間舖細細哋喺康寧道,
除咗開鎖配匙外,
舖頭仲兼買CD,VCD,
但喺全部都喺陳年舊貨,
好似劉三姐呀,邵氏舊片等等,
而且有時又見佢夜麻麻重喺舖頭拉二胡添,
噚日我口痕痕問佢點解你做開鎖又有CD賣,
原來佢以前開鎖出身,
後來年紀大太辛苦,
諗住買CD唔洗走來走去,
點知翻版充斥做唔住,
唯有做返老本行,
你話喺唔喺好傳奇呢?

我覺得個開鎖佬佬喺喜歡音樂的,
可能佢從小嘅志願喺做歌手或者音樂家,
不過無機會無計啦,
唔喺點會成日想住啲同音樂有關嘅嘢喎!