『貴精不貴多』這句是真的.
昨天又到訪我喜愛的銅鑼灣『峰壽司』,
發覺他們的水準的確下降了不少,
首先是部份壽司飯糰容易散開,
另外服務水準也愈來愈差,
某些員工更當眾鬥嘴,呆站,
雖然未至不能接受,
但己經比以前相差甚遠了!
我想這樣的情況會是由她開設了創興分店開始,
由於大部份熟手員工都被調往旺角去,
留守在銅鑼灣兩間店舖的都是新手為主,
而且老闆要三店一齊管理,
管理水準出現參差真是在所難免,
尤其是日本食店,
客人對服務水平和食物要求都比較高,
水準一有改變,客人很容易察覺,
如果這樣的情況持續下去,
相信一定會產生不良的後果!
我記得礸石山以前有一間很有名的麵食店詠藜園,
以前只是一間家庭手作業式的小食店,
後來搬進了紅磡蔡瀾美食坊和在澳門開了分店,
店是大了多了,
但很多人都說水準卻下降了,
担担麵再没有以前那樣好味彈牙,
店子大間了,質品控制自然會困難好多,
尤其担担麵是手作工夫,
根本與大量生產大大不同,
又要賺大錢又要保持水準真是不易,
我們可以拿藝術彫刻創作做個比喻,
彫一兩件可以巧奪天工,
但當變成日彫百件時水平自然會降低了.
若然增加人手再把生產線擴大,
所有藝術品只會變成毫無生氣的『倒模作品』,
如果情況真的向着這個方向走下去,
恐怕『峰壽司』只會變成另一間『元祿』了!
26 則留言:
I used to frequent our local "Sakae Sushi" too but their standards also drop. Nowadays, the 壽司飯糰 is machine made ... all looked so rectangular.
My father once said .. things made from hands usually taste better .. hmmm, wonder if it's due to our sweat & warmth of our hands ^^
eden,
這間的壽司都是人手現場做的,
以前做得好好架,
但現在就差了少少!
我知道做壽司師父的手温度不可以太高,
因為會影響到肉和飯的品質,
所以手温高的人是不可以做壽司師父的啊!
你記得我都係超級"峰"迷嗎?
不過無可否認"峰"真係差咗,上次去食其實有啲失望,入面整壽司個肥妹同架仔都唔响到,其他嘅都未見過,所以你講嘅我完全有同感.
峰壽司我食過一次就冇再去了, 因為覺得水準一般~
新鮮人, 如果再黎銅鑼灣可以試下係恩平道亨利中心10樓ge壽司廣, 水準不錯, 價錢就貴少少~另外佢間姐妹店係9樓專食天伕良, 值得推介
木偶,
我去的是銅鑼鑼鑼灣sogo傍一樓嗰間,
你去邊間呀??
我唔覺有肥妹嘅?
木頭狗,
好,
有機會試一試先! :p
我上次去"峰", 都覺佢差咗..
嚿飯散到夾唔到....
pigbon,
我同意啊,
看來又要找新目標了,
不要說和花亭呀! :p
哎同意呀，上次再幫襯已發覺差咗。。。
Doraya及翡翠拉麵也是這樣，愈多分店水準愈不穩定。
Btw，有冇試過阪前呢？次次都被那條人龍嚇怕*o*
峰一直因為多人，要等一個鐘先有得食，所以未食過，聽你咁講，應該可以唔食。
詠藜園我都幫襯o左好耐，但新果間就未試過。傳聞以前整開麵果位師傅已經退休，所以水準先下降。
我記得除左麵好味之外，春圈都唔錯，不過要熱食。
我想問…其實有冇諗過或者試過將依d意思同返間食店反映返呢？其實我2間都未食過…一_一
你係客人,
可以當意見咁樣發表一下,
唔使怕,
我撐你.
綠兔,
版前早前唔喺話有人食到肚痾咩?
而且不是日本人開,
所以覺得唔太地道咁! :p
xexex,
我就未食過詠藜園,
不過好多朋友都話差咗喎!
野蠻郡主,
真喺無諗過喎,
唔食東家咪食西家囉,
真喺有必要咁做??
wutkwo00,
怕就無怕,
不過費事哂口水啫,
又不是得一間壽司店,
喺未? :p
我第一次食就唔鐘意峰壽司啦, 真係麻麻!
我同少爺去過峰壽司一次﹐超唔掂!!!!
聽講“壽司正”同“一壽司”都唔錯﹐可以一試~
yuen,
好慘喎,
一次就被人打入冷宮! :(
冬冬,
“壽司正”同“一壽司”我都未試過,
有機會都想試試! :)
自從上次試過銅鑼灣個間之後，我決
定唔會再去，好彩尖沙咀個間和花亭
未會變成咁
coobe,
見到你們成日講和花亭好,
有時真喺想試吓,
但好少出尖咀,
而且又要等成個鐘頭,
所以一直無衝動想去,
如果經過我想會試一試吧!
看看自己喜不喜歡! :)
和花亭普通咋，不如你試吓板前壽司，超大元具一定要食．．．．
bbj,
大元貝 峰都有,
兩者邊個好啲呀??
咁呀．．．我覺得又一城嗰間板前好點喎！
bbj,
好, 有機會試下先! :)
發佈留言