《無恐不入》(The Invasion)整體是一套拍得十分流暢的電影,
由入侵,擴散到妮歌潔曼(Nicole Kidman)尋找兒子都『有規有矩』,
行文清晰又没有那些使人看到頭暈的搖鏡,蒙鏡和嘈雜的硬石音樂背景,
可以講是一套看得我十分舒服的戲!
但舒服歸舒服,
《無恐不入》着實没有驚喜,
可能因為故事是改篇自五十多年前的小說《奪體者》,
故事內容舊瓶新酒之餘又與現今國際形勢脫節,
對共產主義和大美國主義的諷刺亦是蜻蜓點水,
而且在共產蘇聯解體後還以此為故事主體實在不合時宜,
片子最弱的是故事結尾給人草草收場的感覺,
好像所有問題都會順理成章咁解決了.
另外一提的是這套不算是一套科幻片,
片中極少特技,而且亦非故事主旨,
如果抱着看特技心態的可以省點錢了.
演員方面,
妮歌潔曼(Nicole Kidman)和丹尼爾(Daniel Craig)表現恰到好處,
而童星Jackson Bond表現出色自然,
絶對没有給人一種"老人精"的感覺.
整體而言,
《無恐不入》是一套可以一看的片子!
8 則留言:
啊! 你覺得四平八穩缺乏驚喜!
你咁快睇左啦，好多套戲都想睇，可惜冇時間．
space兄,
喺呀,這是我的感覺啊!
bbj,
偷得浮生半日閑不是你的格言嗎?
掛頸都要喘吓氣喎!
haha..我對Nicole Kidman反感
覺得佢做笑片唔好笑~
做鬼片唔得人驚..
都唔明佢點拿影后~~wahahaha~~
yanyan,
雖然你覺得佢演技一般,
但點解會反感呢??
好多人做戲仲差喎??
因為好多人做戲差唔會拿到影后~
但就好多人做戲好都拿唔到影后~
好似佢拿影后的《The Hours》
Julianne Moore做得好過佢好多反而無獎
yanyan,
各花入各眼,
都喺遊戲一場啫!
發佈留言