天文台話哩幾日啲空氣質數差到不得了,
旺角同銅鑼灣空染指數喺110幾,
中環仲去到140幾,
正常來講,60-70都己經麻麻,
所以啲體弱有哮喘病嘅都唔出好街了!
抬頭看天,
灰色煙霞一片,
早前個蔚藍天空消失得無影無踪,
特首早幾日仲話個藍天行動有啲成績喎,
唔夠兩日就自打咀巴,
環境局局長邱騰華話同內地繼續商討減排問題喎,
其實個天又無界嘅,
珠三角一帶又多工廠電廠,
三朝兩日都改善唔到什麼成果啦,
人家又唔喺一定要聽香港你枝笛嘅,
而家內地揾錢至上,
環保都喺得把口之嗎,
睇黎空氣問題都喺有排搞,
唔好愈來愈差都阿哩吉帝囉,
想睇藍天白雲,
等出年夏季吹南風先啦!
12 則留言:
睇藍天都唔一定要係香港姐~~
今日差D係銅鑼灣窒息而死~~
早兩日返到香港不知幾驚，個天好
似好大霧咁，之前的咳嗽就更加嚴
重，唉！最慘係皮膚敏感同氣管最
夠罪
如果要世界末日, 我估香港實排名十大之一。
我反而有啲懷念舊陣時簡樸啲0既香港。
狩萌獵人,
都喺我喺香港人,
梗係想香港啲空氣好啲啦,
話哂我都喺住係度嘛!
木頭狗,
你氣管唔好,
最好就盡唔好留係街咁耐嘞!
coobe,
其實好耐之前都發覺香港空氣差,
尤其係喺外國返黎,
一落機就覺得眼前一片迷懞,
香港嘅空氣質數真喺好差呀!
近排無事都唔好留喺街為妙.
麽法豆豆,
如果世界末日,
就全世界一切game over啦,
都無分第幾個和先後次序了,
而家空氣咁鬼差,
唔末地都唔好得好多囉!
Take care ...
eden,
thanks! :)
哩幾日唯有唔係街上行走咁多了!
聽講係反氣旋喎, 將大陸D混濁空氣整左D黎香港.
其實每年中秋前都會侷返一排, 但估唔到今年侷得黎天色仲咁差...
希望快D落場雨清潔下, 然後等待涼爽過秋天~
oscar,
好喜歡你最尾兩句,
"落雨清潔吓,
然後等待涼爽過秋天~ " :)
發佈留言