貪小便宜, 盡失人格和前途!

【蘋果日報】十月九日

港 大 生 拾 銀 包 偷 錢 花
香 港 大 學 經 濟 金 融 系 三 年 級 的 男 生 ， 於 國 際 投 資 銀 行 高 盛 集 團 實 習 期 間 ， 在 酒 店 拾 獲 同 事 遺 失 的 銀 包 ， 卻 拾 遺 不 報 ， 盜 取 銀 包 內 的 2,000 元 現 金 ， 又 使 用 兩 張 信 用 卡 繳 付 網 上 長 途 電 話 服 務 費 ， 合 共 50 歐 元 ， 後 將 銀 包 棄 掉 酒 店 電 梯 內 ， 被 清 潔 女 工 拾 獲 交 回 物 主 ， 物 主 始 發 現 失 竊 ， 警 方 翻 看 酒 店 閉 路 電 視 系 統 ， 揭 發 男 生 罪 行 。

據知犯罪大學生成績優秀,
而且正準備出國升學,
無奈一子錯,滿盆皆落索!

讀書叻同人格好是兩碼子的事,
笑貧不笑娼,
錢從何來又如何?
有錢就無人理你偷呃拐驕,
偷嘢拾嘢有著數當上天送嘅,
這種思想己經深入民心,
就連讀多多書嘅大學生都係咁,
你話香港嘅德育失敗唔失敗吖?

不少人的價值觀實在好有問題,
功利貪小便宜之餘,
又以為無人看到就無做錯,
買嘢找錢多咗就照袋,
去快餐店店員畀錯餐見貴啲又照收,
相反人家畀個平宜過自己買嗰餐就瓜瓜嘈,
其餘排隊側側膀唔多覺打尖,
去超市買袋裝生果袋多兩個就更加多,
講到路不拾遺就更是空中樓閣,
根本無人會做無人會理,
你做嘅人家仲會話你儍仔,
好像早前有人拿着拾到的銀包報案,
也給門口休班的警員據為己有,
身為執法人員都知法犯法,
你話啲學生哥點唔會有樣學樣吖,
究竟點解香港人會變成咁架?