今朝試了"大快活"的西式早晨,
味道和份量都可以,
只是覺得炒蛋略濕,
可能是個人口味問題,
總體來說是不俗的!
如果與同類型快餐店比較,
"大快活"的在禮貎和工作效率上是不俗的,
不會像"美心"那裏時常見到水吧和接票員口角,
而且充滿"發晦氣"的感覺,
加上食物又唔夠熱,有些還是凍的,
或者這只能代表觀塘區的現象,
但也大大影響客人對全線快餐的感覺了;
相反"大快活"的員工笑容可躹,
而且傳餐快捷利落,
食物質數也有一定水平,
相信管理階層花了不少時間陪訓和監管,
實在值得稱讚,
有機會也想一并試試"大家樂",
看看三大快餐店的水平高低!
24 則留言:
大快活0的質素真係比以前好好多，大家樂都係一直都係唔錯，至於美心真係...唉...變極都係咁...差~
開門做生意已經好好
做乜要埋人地笑容可躹
有反而覺得怪怪地
皮笑肉不笑，唔係好可悲咩？
美心、大家活、大快樂 D飲品係絕對一樣
由熱咖啡到凍奶茶都係咁難飲！
尤其是咖啡，有味，但好怪
而且唔提神，反而飲完會眼瞓
我飲咖啡唔係為提神，但對D唔知用咩沖既咖啡就感到不爽:(
快餐店三巨頭其實D野食野飲都係唔掂
如非必要，我絕對唔會去呢D地方食野
翔,
係咩?
咁我都要試吓大家樂先! :)
伊麵丹,
你都唔想去食嘢見到個晚娘面架??
睇見都食落啦,
唔好理佢地係咪真笑,
笑笑口咁都好過黑口黑面掛?
咖啡我唔飲的,
所以無意見,
我想如果同啲高級咖啡店實無得比,
星巴幾多錢杯呢?
咁比唔公平喎,
我哩啲小市民係食哩啲低級餐廳喳,
無錢嘛! :p
以前大家樂好過大快活好多, 宜家大快活迎頭趕上啦! 美心, 因為屋企附近冇, 所以一向都冇點幫襯喎!
咩你咁好o野o既, 起身食早餐, 我寧願訓多幾個字.
Only have Maxim in Heng Fa Chuen. They are okay though. Maybe I am not demanding. After all, it's just fast food shop.
個米粉睇落很正喎~ 但D蛋就...
成份野令人諗返起polyu新can既早餐~
其實我都分唔到大家樂同大快活有乜分別...
美心都仲勉強睇到個menu種類有D唔同...
becky,
"老人家",
唔訓得咁多嘛!
哈哈哈~~~~ :p
ruth,
有時朝早得閑,
出去行吓吸吓新鮮嘅空氣,
真係幾好架,
簡簡單單食個快餐店早餐都唔錯架!
oscar,
個蛋就係濕啲,
不過味道都ok,
你講polyu新can我未去過啊,
我諗你講嗰個舊嘅都係我走後才開的了!
我都畢咗業好多年了! :p
大快活重新再起是我們的福氣,
冇競爭進步就少就毋需要進步.
隻蛋係賣點,我覺得好正wor~ :)
乜唔係美心快餐最好食咩？
我一路都以為係美心
SPACE,
無錯,有競爭先有進步!
唔好家獨大就好了!
木偶,
所以要看個人口味囉,
有人喜歡濕啲,有人喜歡乾啲,
最緊要有心做好就得啦!
COOBE,
我以前都係咁諗,
但係觀塘啲美心就愈來愈差了,
其他地方就不知了,
但係大快活整體來說真係好咗就真!
一間間ka ja..
觀廣新開果間就唔多掂
MTR果間舊既就唔錯~~
不過唔知點解~我覺得港島果邊d美心大家樂會好d既~
PS 美心d野真係好難飲!!!
但Poly個新can係美心啦!!!
ynayan,
觀廣嗰間我都食過晚飯,
都唔係太差吖!!
首先，Starbucks D咖啡係唔掂當...
快餐店既咖啡奶茶求其搵間茶餐廳都好過佢！
笑笑口定黑面神？
如果佢係扮出黎既，我寧可要黑面神！
微笑就唔錯，但好似收銀/sales既職業笑容就十分反感
會攪到我好緊張，好冇安全感
笑裡藏刀，越係笑就越係虛偽
最憎最驚就係呢種人，見到就打冷震！
伊麵丹,
你唔係好喜歡去星巴同太平洋咖啡店食咖啡咩????
笑得好假好誇張梗係唔好啦,
少少微笑就夠啦!
去過Pacific就唔再去Starbucks= =
伊麵丹,
明白!
不過我唔飲咖啡,
所以唔知佢哋嘅分別了!
你終於試了啦??
其實炒蛋的質數有些參差...
我那天與家人一同吃，5人都有叫炒蛋，有些濕有些乾有些生d有些熟d~ 所以真是看彩數呢~~ =P
nana,
快餐店的水準係咁,
時好時壞,
但係無辨法,
要睇彩數!
發佈留言