體罰與滿清十大酷刑!

究竟應唔應該對學生體罰呢?
看報紙見有七歲女孩因用筆劃花鄰座椅子,
所以老師用間尺打了她三下手掌,
因而引起家長不滿向校方投訴!

校規是有規定老師不可以體罰學生,
不少心理學家說體罰會傷害兒童心理,
唔可以體罰?咁可以用心理傷害嗎?
自己小學時,學校是有體罰的,
而且花樣百出,應有盡有,
例如:
用鐵尺打手掌,(未打,見到把鐵尺已經腳軟)
用木間尺"啄"手背,(十指痛歸心是從那時學曉的)
用木間尺打嘴巴,(包保打完不願再講話)
用長木尺打蘿友,(這是發揮摃桿原理的體驗)
用乒乓波板當眾打蘿友,(這是讓學生明白什麼是羞恥和侮辱)
用拳頭"角"頭殼,(打完會聰明啲?)
用尖指甲"搣"耳珠,(指甲痕三日不散,讓你深深記住教訓)
罰牆壁上用紙罰抄,(長期舉起雙手超疲倦)
罰跪球場沙地,(夏天穿短褲,跪完兩個膝蓋都滿佈血痕)
仲有罰坐無形凳,罰單腳企.....
總之你諗得出都有,
諗唔出嘅都可以發生,
簡直可以比擬滿清十大酷刑!

相對現在只是打三吓手掌,
而家啲所謂體罰簡直完全唔入流,
而且又無創意又枯燥,
唉~~~現在的老師真是唔夠creative!