如果"愛"!

男人係唔係多數都是『衰咸濕』呢?
最近有幾單新聞都好似與這個說法有關,
第一單當然係X高官遭女伴唱勒索,
第二單就是大埔富亨邨丈夫包二奶遭妻子淋通渠水撥石灰粉,
第三單是國際學校十四歲男生校內淫女生.

血氣方剛嘅十幾歲嘅又係,
五十幾歲嘅高官,看更都係,
其實日日打開報紙都要見到一兩單咁嘅桃色糾紛,
有專家話:男人每三分鐘,腦內就會出現一次與性有關嘅聯想,
我不知道這些數據是如何調查出來,
亦不知道它的準確性有幾高,
但每天看報紙就是會見到類似嘅新聞,
唔係包二奶就是被人捉黃腳雞,
再唔係就是少年強姦女同學,
總之好似男人一發育到死之前都想着性一樣!

如果有人問我:『你都係男人喎,咁你又咸唔咸呀?』
我會好坦白話你知:『我都咸濕!』
見到好嘢一定會望多兩眼,
就好似欣賞啲古董一樣,
但只會睇唔會亂咁摸,
而且唔係一定會諗到啲"衰嘢"(色情),
如果吓吓見到都想上床,搞嘢,咁咪好"辛苦"??
不過有些男人真係好鬼好色,
我有班做電機嘅舊同事成日要返大陸做嘢,
一星期有成四五日係上面,
深圳五光十色,又平又靚,
一些本來無"滾開"嘅同事好快都變哂"色途老馬"了,
最後一個教一個咁,一星期總會"幫襯"色情卡拉OK二三次,
而家十個有九個都變哂"雞蟲"囉!

所謂上得山多終遇虎,
無老婆嘅就係中招生嘢囉,
啲小姐愈靚愈多客,
咁你咪愈易感染中招,
就算做足安全措施都唔係萬無一失啦!
有老婆嘅咪"家破人亡"囉,
做得你老婆嘅點會唔覺你去滾吖,
唔計身敗名裂吖,
屋企個老虎乸愈諗愈火滾時,,
咪襯個丈夫訓著咗攞把剪刀同佢"去勢",
咁樣就可以一拍兩散,大家無得用囉!
所以話,搞咁多為物呢?
其實息咗燈,個個都一樣啦,
(當然人有別於動物,人是有感情的)
搞三搞四搞個大頭佛出黎咪大劑!

其實最大嘅問題係:
"如果你愛你嘅伴侶,就不要做出傷害對方的事情!"