好一句"忽然民主,忽然民生",
政府官員理應政治中立,
曾局長六十年代雖然是"民主先驅",
舉旗遊行反對港英殖民政府,
但今時今日己貴為特區高官,
又何必記掛多年前受過殖民政府的氣呢?
這樣的言論不就是倒曾特首的米嗎?
尤記得曾特首上任前說要改善行政立法兩局的關係,
但今天陳太只是輕輕提起政府要多關心民間困苦,
這都是合情合理的言論,
曾局長又何需發表這樣反射性的反擊呢?
所謂家和萬事興,家衰口不停,
你處處起哂針咁又點樣可以改善大家嘅合作關係呢?
懇請曾局長口下留情,陳太亦要實事求事,
這樣才會造就良好氣氛改善民生,
你們再鬥下去結果只會禍及市民,
請諸君三思三思!
25 則留言:
兩個都爭唔落！
一句話嗮： 有咁既政府，就有咁既議員。
space,
唔好咁灰,
你唔係咁就放棄吖?
香港的港人治港政府不成熟，
議政的立法會議員還未夠班，
人才凋零與其要求2012直選，
倒不如自認冇人才，
提早由京人治港罷。
或許有才能的人会問,從政是吃力不討好,何苦由來? 不如賺錢發達? 例如前官員林煥光,聽說他很有才能,但為什么他就不競選做議員? 我離港多年,不明白之処,請諒!!
space,
一早就係京人治港啦,
你唔覺咩?
微豆,
有能力同有心是兩樣東西,
君子知不可為而為之,
香港政界又有多少是君子呢??
唉~~~~
WELL, 黎慶齡，林煥光 是其中兩位我頗有好感的前港英政府官員。
對四萬和褓呔港英最高兩位反而反感多些。
黎過導特區政府不久就辭職不幹，聽聞去了澳洲，有冇回來不知，保安司由葉劉補上，其他不贅。
林工作一段時間，被大懵懂收篇入特首辦公室做主任， 為大懵懂檔箭檔風雨，大才小用，加上傳媒揭發婚外情下臺求去。
現林煥光重投公職，現做08香港奧運馬術賽事合約大頭頭。
space,
一早就係京人治港啦,
你唔覺咩?
新鮮兄：
我說的是名正言順的京人治港， 不是畀我地納稅人的稅款，畀D 庸官 庸議員，隔一重的由京人治港。
space,
我此終接受唔到京人治港,
點都接受唔到架!!!! :(
鮮兄：
但你自己都話其實現在已經是京人治港，不過間接由一班香港人出面，做場戲畀歐美睇。
既然承認了，何不乾凈俐落，京人治港，起碼唔使出糧，幾億納稅人的錢，畀啲庸官庸議員，其實做緊扯線公仔。
SPACE,
只因上面有成班無吉士嘅庸官當道啫,
啲庸官咪又係經阿公批準嘅,
就算畀班京官都唔見得好了多少,
除非你想香港變成另一個山西,安徵啦,
大家齊齊做釘子戶,日日上訪等人救!
哈哈哈~~~~~
呀~~
我要講多句,
我愛國唔等於愛黨,
上面欺上x下,貪官四處,
窮人權益往往全無保障,
咁嘅政治社會氣候,
我頂唔順,
點愛國都無得講!!!
你講到咁就要學 微豆兄用對腳來投票喇！
忽然又怎會是忽然呢?自07起其實不難發覺,馬大人的六四論,曾特首的文化革命論,還有局長曾的忽然論,身懷五張幾當官非今日,又怎會是一而再失言呢...
個人覺得曾局長不是一時口快,而是日積月累的條件式反射,當日不祗是給四萬一個下馬威,也是重申個人及政府的立場!君不見曾的cv乃一不節不扣的左傾份子,過去大家都沒怎留意過這個人,雖然今日他走在人前且位居局長,他乃是當年的那個德誠, 歲月去盡他的銳氣,卻也使他對事更老練!
space,
我一向有投票架,
只可惜而家無全民直選,
立法會補選我又無權投票,
唯有盡力投自自己有權做的事囉!
風子,
對,條友擺明係左仔一名,
根本唔應該揾佢做高官,
言論偏激唔中庸,
佢係度只會累事,
各派同政府嘅氣氛只會更加緊張,
真係錯,錯,錯! :(
保皇黨唔會播，
佢系為了安撫，
而被選中入閣，
壯壯黨人聲威。
如上上面所言，“愛國唔等於愛黨”，
你要用對腳去，投你真誠之票，
否則祇可以安于現狀。
space,
我都話一向有投,
不過就不知你講"用腳去投"是否有言外之音了!
山上面都話咗學微豆兄咯！ 仲要多解釋？
space,
佢移民多年,
都無投香港囉!
微豆兄咪用對腳投咗票囉！
space,
微豆兄係唔係因為咁嘅原因先走?
你唔好代答喎!
我啲小市民點走吖,
不過我諗就算我有錢都唔會走,
生於斯,長於斯,
其它地方無法可以取代嘛!
其實我想說, 曾xx的言論或多或少是時下中共, 左派, 政府,特首以及其個人的立場/看法, 君不見今日便有人叻唔切跑出來撐場? 之前某某某所謂的失言其實是心語!!!
若民主黨派人士還是掉以輕心, 他日要追回兩者間的差距?遠矣 ～
風子,
佢哋只有一個立場,
討阿公歡心!
陳太講直選,
個個點會唔爭住鬧吖!
攞分嘛1
哈哈哈！
微豆兄係唔係因為咁嘅原因先走?
你唔好代答喎!
咁你要考究下喇！
我啲小市民點走吖,不過我諗就算我有錢都唔會走,生於斯,長於斯,其它地方無法可以取代嘛!
翡翠臺劇集觀眾，一路罵一路睇，一路睇一路罵。現實系香港宗主國是中國，事實是國內一黨專政，如果咁唔滿意咪移民囉，唔移民咪即系已經霖過度過妥協咗，把口唔認啫。
發佈留言