以下是真人真事:
一個30出頭的青年做着勞動工作,
工時長,人工低,老闆又唔供強積金,
明明是僱員關係卻強迫人家簽自僱書,
而且老闆時常拖延發糧,
拖延的原因不是生意不好,
而是老闆拿了僱員的人工同老婆去日本SHOPPING,
前前後後已有三個多月没有出糧,
員工只好食"縠種"過活!
由於在那公司做的人都學歷不高,
而且大部份已做了七八年了,
所以很難在外面找新工作,
如果舉報老闆只會落得失業收場,
這是進退兩難的局面,
那個賤格老闆間唔中又會出少少糧,
用黎釣住員工條命仔喎,
你話死唔死火吖!
這個不是個別例子,
不少低下階層就是這樣過着艱苦生活,
舉報又死喎,唔舉報都係得返半條命,
政府又視而不見,
如果你話佢唔知嘅就真係可笑,
不少議員都提出過這些問題啦,
政府有帶頭着力打擊過咩??
民生問題一大籮,
政府無能當人儍,
民心向背悔當初?
不如着實勤補禍!
12 則留言:
政府不但視而不見, 還粉色太平, 口口聲聲說(今年人人有人工加, 股市大賺), 放他的狗屁, 而事實剛好是相反, 百物騰貴, 無人工加, 無糧出(出小了糧), 換來的是不斷的OT ! … !!!
社會各階層很明顯地出現斷層化......
匿名,
鬧得好,
駡得妙,
人民已生活在水深火熱中,
難為那些高官視而不見,
正無能粉腸!!! :E
翔,
最明顯係分有錢和貧窮兩個階層! :(
仲講多隻古仔：
話說解放改革初期，很多民革失學的人，得到美國的大學提供獎學金去留學，而大學為幫助他們賺些外快，多啲零用錢，就批一些中國中文新聞給他們做翻譯，第一批的留學生，得到 US$20翻譯 一千字，哈哈哈第二年來的留學生，為了搶工作，愿意US$18就翻譯 一千字， 過多幾年，中國留學生有回國的，又有新來的，把翻譯降低到US$5 一千字，哈哈哈 這就是中國人喇！
韓國人呢，他們團結，他們個個留學生，一定企硬 US$20 一千字，沒有自己人打自己人。
這則故事我是在『讀者文摘』睇到的相信是真的。
space,
中國人一向都不以團結出名,
一盤散沙就是不少中國人的寫照!
香港亦没有很大的工會力量,
工會力量只有在選舉時鐵票效應時才會見到,
如果要那間公司啲員工集體同老闆談判實在有點難度,
但當前是老闆己經觸犯了法例,
而老闆之所以咁明目張膽的其中一個原因就是政府執法不力所致!
當然員工忍氣吞聲亦是不對,
但他們很多仔細老婆嫩,
又要供樓又要剩,
根本無能力同老闆鬥,
就算鬥完又點喎,
老闆摺埋間舖唔做咪失業收場,
到時又多一群人攞綜援了!
還有
仲會有啲人，會同老細相量，
收少啲都肯做，帶埋個細佬，同鄉，入來做，
踢走啲同事，屢見不鮮！
啲老細睇穿嗮喇！
仲唔蝦到上面？
space,
哩啲咪就係衰格囉! :E
SPACE,
不過聽朋友講,
你講嗰招己經畀老闆出咗了,
就係叫自己啲親人來做,
又廢又無用,
不過一樣無糧出!
(私下有無畀就唔知了)
space,
就係呢0的友仔0係度做爛市 :E
唔通要香港人的收入, 同大陸人一樣數百元一個月?!
匿名,
而家內地啲人工都加咗好多了,
不過要香港人同內地同工同酬就唔得,
唔係個個點開飯? :)
只不過有啲賤格老闆想慳錢,用埋啲屎橋啫!
發佈留言