這幾天好辛苦,
牙肉有少少腫脹,
又"興"又忍忍作痛,
而且又口乾唇熱喎,
可能因為睡眠不足,
導至虛火上升,
攪到我心煩氣燥,
真係要飲返枝"靜心"!
為了減少痛楚,
前天開始不斷食止痛丸,
駁住食,一日三四粒,
完全喜歡咁樣食法,
那種感覺非常不好受,
但又無理由虛火上升就睇醫生架?
為咗解決根本問題,
我連續兩日去食龜齡膏,
而且又早啲訓教教豬,
今朝起身終之好返啲,
啲牙肉無咁脹,無咁痛了,
而家心情都好返啲囉!
哈哈哈~~~~
哩篇係咪好無聊呀?
雞毛蒜皮都攞黎講,
因為哩幾日真係好鬼辛苦,
所以咪係度嘔吓泥囉!
好多人寫BLOG都係咁架啦,
大家忍一忍, 好嗎?
20 則留言:
我唔覺得無聊丫。
寫blog其中的原因是舒發自己內心世界，如果感到不適都唔可以寫，還有什麼真實感可言。
保重！
冷風,
謝謝你啊!
我寫埋啲無聊文章你都唔介意,
謝謝! :)
喂, 你下次牙肉腫疼可以試下搽呢隻口腔膏, bonjela（保治靈).我試過幾好架,好過成日食止痛藥呀~
唔無聊~ blog本身係咁用架嘛~
呢排我都標左幾粒暗瘡...鳴...
木頭狗,
係咩?
唔知呀,
等我買黎試吓先,
十萬個謝謝呀! :)
翔,
唔好唔開心,
年青人實會有一兩粒,
而且這是青春嘅見証呀!
食返啲龜齡膏就好快無事!
"真係要飲返枝"靜心"!"
新伯,年紀大左病痛係會多d既啦,你就將就下啦, 都係時候入返d"靜心", 好好保養保養,唔係好易無/老架, 保重保重 :p
風子姐姐,
咁你係邊樹買開會平啲呀?
你飲開有經驗喎! :p
思念 新鮮嫂？
思念 新鮮嫂？
點解？ 我冇做匿名人意圖個播！
你無資格同人地鬥無聊lor~~
人地係將自己一日既行程寫晒出來ka!!!
連幾點吃喝拉訓都寫出來先夠無聊嘛
Space,
你無意,但都做了噃!
yanyan,
等我有機會又試吓先! :p
有點心煩？？？
送你一首歌最近比較煩
你去年八月份曾經到訪過！
呢D 咁濕熱焗既天氣好易病架
食D 板藍根啦
有病醫病，冇病旁身
我上個禮拜都唔多舒服
媽媽俾我食左之後成身舒服曬
space,
哈哈哈~~~
謝謝!
我早前都看到啊! :)
伊麵丹,
根藍根我多熟喎,
都唔知點搞,
不過連續三日食了龜齡膏,
而家無事囉!
謝謝! :)
你是想念新鮮嫂攪到心煩
牙肉又痛更加又口乾唇熱
虛火上升連登文都少了些
龜苓膏祇是治標不能治本
space,
非也,非也!
哈哈哈~~~~
發佈留言