近年見到有些新聞從業員啲質數真係好低,
時常問啲超低能兼勁搞笑嘅問題!
好似近日地產商兄弟不和就走去問啲外人,
難得澳門何生又會對人家的家事指指點點喎,
什麼兄弟"同心其利斷金",
人哋幾兄弟嘅事關佢屁事咩?
正式"白痴記者巧遇騎呢人"呀!
又好似早前黎姿細佬車禍入院,
啲記者又問佢:"係唔係好擔心佢嘅傷勢?"喎,
問嗰個都白痴架,
你想人家答唔擔心咩?
人家都己經心亂如麻囉,
唔該醒少少問少句當幫忙,
就算要問都問吓點樣處理傷勢之類嘅嘢啦!
到肥姐過咗身嘞,
啲記者又問欣宜:"你心情點樣呀?",
聽到咁嘅問題係人都叫哂救命啦,
唔通欣宜會話:"我而家好開心!"咩?
大家都見到佢眼都紅哂啦,
嗰啲咁嘅記者仲要問埋啲咁低能嘅問題,
你話係咪毫無職業水準吖?
我覺得哩啲咁嘅記者最好返去從新教育,
成日問啲唔係人會問嘅白痴問題,
睇怕都係要重新學過點樣做記者先得架嘞!
11 則留言:
算啦~~~嬲少d開心d~~~
下次留番d post寫d開心野好過~~
好似今日咁，我都淨係寫欣宜唔寫鄧生~haha
yanyan,
我唔鬧人唔舒服架,
鬧完就會開心喎! :p
咁證明咗啲乜嘢呢？
證明原來真系有人會留意呢啲新聞個噃！
香港傳媒質素一向好差...
問野白痴其一, 言詞刻薄無品其二, 中意搜刮無聊話題炒作其三, 仲有好多數唔清.
偏偏咁又有市場, 吹佢唔脹, 唯有自己唔睇.
其實我地平日都會問D白痴問題架,例如見到隔離屋出街就問:出街呀? 又例如係餐廳撞到朋友就問:食飯呀?
個D記者只不過將平日見到朋友說的話擺落去採訪道姐~哈哈
space,
就好似循環線小巴咁,
有人寫白痴嘢又有人睇喎,
有人睇又有人再寫囉,
我唔係好喜歡睇,
但間唔中都會見到,
但係真係覺得好無聊!
oscar,
八卦新聞好多人喜歡,
但就算八卦都要有point架,
佢哋咁問真係連八卦新聞嘅水平都未到!
木頭狗,
老實講,
我好少問人啲咁無聊嘅問題,
費事浪費時間啊!
再白痴既人都會有人以佢地為榜樣～
吹佢地唔漲
伊麵丹,
唔洗吹脹佢哋,
恥笑佢哋就得1 =P
幸好！ 我夠遲鈍！
一聽見睇見到呢味嘢！ 眼同耳就會模糊！唔能夠集中精神，再聽睇落去！
發佈留言