如何折磨你的賤格老細......

十個打工嘅九個都唔喜歡自己老細,
有些直情係好憎啲老細添!

孤寒計較,尖酸刻薄,有口話人無口話自己...
人工低工時長,用人為親,洗死人唔洗本...
辦公室性騷擾,唔供強積金,唔準時出糧..
有鑊人哋揹,有功自己攞...
總之理由多到數唔哂啦!

記得有一次係舊公司春茗,
見到其中一個好鬼爛口老闆嘅仔仔,
大約五六歲左右大啦,
佢老豆帶佢過黎叫我哋同佢玩吓,
我哋當然無辨法托手肘啦,
但諗起佢老豆平時點用粗口鬧我哋就把幾火喇,
於是個個都話來個"父債子償",
見佢面豬dum"肥脫脫"就係咁搣佢塊面,
但係又唔可以太大力喎,
唔係搣喊佢就大鑊囉,
結果粗口老闆個仔就咁畀我哋"蹂躪"咗十幾分鐘,
而我哋哩班可憐下屬都可算出咗一口氣了!

新鮮仔:『你哋好變態呀!』
新鮮人:『等你第時受吓啲無理老闆氣時就知喇!』