"東東"最近新出了六款餃子雲吞,
隨包裝還附有簡單湯料,
鮮蝦雲吞,鳯城水餃,西施雲吞,
菜肉雲吞,大白菜雞肉雲吞和玉米豬肉水餃,
其中最好味的是鮮蝦雲吞,
原隻鮮蝦彈牙好味唔油膩,
鳯城水餃都有蝦肉亦唔錯,
最差就係大白菜雞肉雲吞,
味道怪怪好難食,
另外仲有特大的鮮蝦雲吞賣,
不過價錢就貴幾蚊,
下次都想試吓點好味!
上圖嘅包裝係新出嘅火煱系列,
一包有三款口味,
買兩包就可以試哂六種味道,
啱哂香港人多心又貪新鮮嘅心態,
可惜佢出遲咗幾個星期,
如果係早排凍到飛時出籠,
啲人一定會買黎返屋企打邊爐,
但平時用黎餸麵都是一個好選擇啦!
12 則留言:
果然識貨,鮮蝦雲吞係最好食,水準同佢以前出嘅東東雲吞一樣. 華潤超市同西田成日做特價架.
話時講,東東的門市係咪摺晒啦?
木頭狗,
我以前淨係幫襯過東東雲吞麵一次咁多,
咪係新城市A1樓上嗰間囉,
嗰時筧得佢麻麻哋,
好貴又細碗嘛,
所以近年都愈開愈少喎,
好多年無見佢嘅面市啦,
可能真係做唔住啊!
舊時東東有間鋪在舍下附近
是我懶惰唔想煮丁麺做燒夜
最佳“alternative”又好好食
E+執嗮笠凈返麥記甚為可惜
Space,
我以前都唔覺佢好食,
食完佢啲麵好口渴喎!
東東..好懷念!hahaha..
佢依家仲有無鋪頭架?
大白菜雞肉雲吞好似無牌子出既都一樣最難食~~
真係執笠很久了！
價錢平，入得口，
填飽肚，已足矣！
yanyan,
英雄所見略同,
白菜雞肉雲吞真係唔好食啊!
space,
那時覺得東東好貴,
因為好細碗,
食唔飽喎,
又多味精,
所以不是我杯茶!
係咩？
我地係唔係講緊唔同嘅『東東』，
印象中是好平和又吃得過的貨式。
space,
東東雲吞麵嘛,
同而家個logo一樣喎,
可能嗰時係學生哥,
無物錢啦,
加上後生仔又大食,
所以有咁嘅感覺囉!
近排天氣都已經無興趣打邊爐，
不過買黎就咁煮黎試下都ok
coobe,
係呀,
煮麵食都唔錯,
方便好味嘛! =)
發佈留言